03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
ՀՅԴ-ն կհամագործակցի՞ ՀՀԿ-ի հետ. Արմեն Ռուստամյանը համախմբման կողմնակից է. ՏԵՍԱՆՅՈՒԹ
Քաղաքականություն
29.01.2019 | 13:00
Մինչև թավշյա հեղափոխությունը ՀՅԴ-ն ու ՀՀԿ-ն միասին կոալիցիոն կառավարություն են կազմել: Սակայն համաժողովրդական պայքարի խորհրդարանական փուլում Դաշնակցությունը սատարեց ընդդիմության վարչապետի թեկնածու Նիկոլ Փաշինյանին: Խորհրդարանական ընտրությունների արդյունքում թե՛ ՀՀԿ-ն, թե՛ ՀՅԴ-ն դուրս մնացին խորհրդարանից: Հնարավո՞ր է, որ այս ուժերը կրկին համագործակցեն այս անգամ արդեն որպես արտախորհրդարանական ուժեր, հրավիրված ասուլիսում ՀՅԴ բյուրոյի նախագահ Արմեն Ռուստամյանը պատասխանեց այս հարցին:
«Դաշնակցության հետագա գործունեությունը բացարձակ կապված չէ խորհրդարանական ընտրությունների արդյունքների հետ: Մենք ժամանակին հրապարակել ենք մեր հայտնի յոթ կետերը և ասել, որ ՀՅԴ-ն համագործակցելու է բոլոր նրանց հետ, ովքեր կընդունեն մեր յոթ կետերը: Այս փուլում Հայաստանը կանգնած է մեծ ջրբաժանի առաջ, մենք պետք է համախմբենք մեր ուժերը: Եթե մեր մոտեցումները՝ կապված Արցախն ամրապնդելու հետ, կդառնա կառավարության ծրագիր, մենք պատրաստ ենք ամբողջությամբ համագործակցել»,- ասաց Արմեն Ռուստամյանը, այդպես էլ չանդրադառնալով Հանրապետական կուսակցությանը, փոխարենը շեշտելով իշխող ուժի հետ հնարավոր համագործակցության հնարավորությունը:
Ռոբերտ Անանյան
