Աջակցում եմ ՔՊ-ին, դատապարտում ընդդիմության պահվածքը. Ռուբեն Ռուբինյան․ ՏԵՍԱՆՅՈՒԹ

Խստորեմ դատապարտում եմ «Ուժեղ Հայաստան» խմբակցության ղեկավարի պահվածքը․ նա ամբիոնի մոտ ելույթ ունեցող պատգամավորին վիրավորել է, ապա տեղից վեր կացել, որպեսզի հարվածի նրան։ Այս մասին Factor TV-ի հարցին ի պատասխան հայտարարեց ԱԺ նախագահ Ռուբեն Ռուբինյանը։

Հարցին, թե արդյո՞ք Ռուբինյանը դատապարտում է նաև «Քաղաքացիական պայմանագիր» խմբակցության պատգամավորների պահվածքն այն պարագայում, երբ թիմակիցների կողմից հնչել են հայհոյանքներ, նետվել շշեր և անգամ աթոռ, Ռուբինյանը արձագանքեց․«Խստորեն դատապարտում եմ «Ուժեղ Հայաստան» խմբակցության պատգամավոր Գառնիկ Դավթյանին, որի առաջին հարվածից է սկսել ծեծկրտուքը ամբողջովին աջակցում եմ «Քաղաքացիական պայմանագրի»,  որը արել է այն, ինչ արել է»։

Նա նաև հիշեց 9-րդ գումարման Ազգային ժողովի անդրանիկ նիստը, որի ժամանակ ընդդիմությանն առաջարկել էր բարեկրթության հստակ վարվելակերպ։

«Առաջարկել եմ, որ մենք գնանք բարեկրթության ճանապարհով և ես ասել եմ, որ «Քաղաքացիական պայմանագրի»-ը նախընտրում է գնալ այդ ճանապարհով, և եթե ընդդիմությունը ընդունում է այդ օրակարգը, շատ լավ։ Բայց ես ասել եմ նաև, որ եթե ընդդիմադիր մեր գործընկերները չընդունեն այդ օրակարգը և շարժվեն այլ ճանապարհով, քաղաքացիական պայմանագիրը պատրաստ է փոխադարձել այդ ճանապարհին այլ ճանապարհին անհամաչափորեն: Եվ ես կարծում եմ՝ մենք գործնականում տեսանք, թե դա ինչ է նշանակում»,- ասաց ԱԺ խոսնակը։

Հիշեցնենք, որ այսօր Ազգային ժողովում ծեծկռտուք է տեղի ունեցել ընդդիմադիր և իշխանական պատգամավորների միջև։ Նիստերի դահլիճում իրավիճակը լարվել է ՔՊ-ական Տարոն Չախոյանի ելույթի ժամանակ։ Ծեծկռտուքի ընթացքում պատգամավորները ծեծել ու աթոռներով հարվածել են միմյանց։ ԱԺ նախագահ Ռուբեն Ռուբինյանը թույլ չի տվել անվտանգության աշխատակիցներին ներս մտնել և հորդորել է դադարեցնել։ 

Ընդմիջման ժամանակ լարված իրավիճակն ու ծեծը շարունակվել է ԱԺ նախասրահում։

Մանրամասները՝ տեսանյութում։