28.10.2026 | 15:29
ՄԻՊ-ի միջամտությամբ վերականգնվել է քաղաքացու կենսաթոշակը, վճարվել են նաև նախորդ ամիսների գումարները
Բելգրադում Իսրայելի դեսպանատան վրա հարձակում է իրականացվել․ Սերբիան միջադեպն ահաբեկչություն է համարում
Քաղաքականություն
28.10.2026 | 12:53
Բելգրադում Իսրայելի դեսպանատան մոտ անհայտ անձը դանակով հարձակվել է անվտանգության աշխատակցի վրա և սպանվել, հայտնել է Սերբիայի ոստիկանությունը։ Դեպքը տեղի է ունեցել կեսգիշերից անմիջապես հետո, գրում է The Times of Israel-ը։
Սերբիայի ներքին գործերի նախարար Իվիցա Դաչիչը հայտարարել է, որ ոստիկանությունը միջադեպը դիտարկում է որպես «ահաբեկչական հարձակում»։ Նա հայտարարել է ահաբեկչական սպառնալիքի մակարդակն առավելագույնի բարձրացնելու մասին և ուժեղացրել ոստիկանության ներկայությունը կարևոր օբյեկտների մոտ։
Դաչիչի խոսքով՝«մինչ այժմ չնույնականացված մի անչափահաս «Ալլահ Աքբար» բղավելով հարձակվել է ժանդարմերիայի աշխատակցի վրա՝ օգտագործելով երկու դանակ»։ Նա հավելել է, որ ոստիկանն «ինքնապաշտպանության նպատակով չեզոքացրել է» հարձակվողին, իսկ ինքը թեթև վնասվածք է ստացել։
Պաշտոնյան ասել է, որ Սերբիայի անվտանգության ծառայությունները հետևել են հարձակվողին, որը, նախարարի պնդմամբ, աջակցել է «Իսլամական պետություն» ահաբեկչական խմբավորմանը։
Սերբիայի արտաքին գործերի նախարարությունը միջադեպի վերաբերյալ դեռևս մեկնաբանություն չի ներկայացրել։
2024 թվականի հունիսին խաչաղեղով զինված հարձակվողը վիրավորել էր Բելգրադում Իսրայելի դեսպանատունը պահպանող սերբ ոստիկանին։ Հարձակվողը սպանվել էր պահակախմբի աշխատակցի կողմից։
Թարգմանությունը՝ Էմմա Չոբանյանի
