22.10.2026 | 11:00
Կառավարության նիստը՝ ՈՒՂԻՂ
Երեք օր առաջ Տավուշում հայտնաբերված Ադրբեջանի քաղաքացուն պատրաստվում են վերադարձնել
Քաղաքականություն
22.10.2026 | 09:30
Հոկտեմբերի 19-ին՝ ժամը 17։50-ի սահմաններում, Տավուշի մարզում հայտնաբերվել է Ադրբեջանի քաղաքացի, 1968 թվականին ծնված Յաշար Քասիմովը՝ Թովուզի շրջանի Չատախ գյուղի բնակիչ։
ԱԱԾ-ի հաղորդագրությունը՝ ստորև․
«2026թ. հոկտեմբերի 19-ին՝ 17:50-ի սահմաններում, Հայաստանի Հանրապետության տարածքում (Տավուշի մարզ) հայտնաբերվել է Թովուզի շրջանի Չատախ գյուղի բնակիչ, 1968թ. ծնված Ադրբեջանի Հանրապետության քաղաքացի Քասիմով Յաշար Ալի Օղլուն:
Իրականացված ստուգողական միջոցառումների արդյունքում պարզվել է, որ ԱՀ քաղաքացին ՀՀ տարածքում հայտնվել է մոլորվելու արդյունքում:
Ձեռնարկվում են համապատասխան գործողություններ ԱՀ քաղաքացուն վերադարձնելու նպատակով»։
Նախօրեին տեղեկացրել էինք, որ Պետական սահմանապահ ծառայությունից (ՊՍԾ) մեկնաբանել են, որ ադրբեջանցի հովիվը հատել է սահմանը և մտել Հայաստանի տարածք։
