14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Բլոգեր Լապշինը խնդրել է իրեն արտահանձնել Իսրայելին. դեսպանատունն արձագանքել է
Քաղաքականություն
27.07.2017 | 14:34
Բլոգեր Ալեքսանդր Լապշինը, ով հուլիսի 20-ին Բաքվի ծանր հանցագործությունների դատարանի որոշմամբ դատապարտվել է 3 տարվա ազատազրկման, խնդրել է իրեն արտահանձնել Իսրայելին: Այս մասին TASS-ին ասել է բլոգերի փաստաբան Էդուարդ Չերնինը:
«Այսօր ես հանդիպել եմ Լապշինի հետ: Նա դիմումով խնդրել է իրեն արտահանձնել Իսրայելին», – ասել է Չերնինը:
Ադրբեջանում Իսրայելի դեսպանատունն արձագանքել է արտահանձնման մասին բլոգեր Ալեքսանդր Լապշինի դիմումին. հայտնում է APA-ն:
«Դա կլինի Ալեքսանդր Լապշինի անձնական գործը, և մենք չենք կարող խոսել այդ մասին»,- պատասխանել են դիվանագիտական ներկայացուցչությունում:
Հիշեցնենք, որ ՌԴ, Իսրայելի և Ուկրաինայի քաղաքացի հանդիսացող բլոգեր Ալեքսանդր Լապշինը ձերբակալվել է Մինսկում 2016 թվականի դեկտեմբերի 15-ին՝ Ադրբեջանի դիմումի հիամն վրա և արտահանձնվել Բաքու՝ 2017 թվականի փետրվարի 7-ին:
