20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Նիդերլանդներում Ադրբեջանի դեսպանատան մոտ դպրոցներում հիջաբի արգելքի դեմ ակցիա է անցկացվել․ ՏԵՍԱՆՅՈՒԹ
Քաղաքականություն
20.10.2026 | 21:14
Արտերկրում Ադրբեջանի դեսպանատների և հյուպատոսությունների առջև շարունակվում են «Ազատություն հիջաբին» կարգախոսով ակցիաները։ Ադրբեջանական անկախ լրատվամիջոցների հաղորդմամբ՝ բողոքի ակցիան անցկացվել է նաև Նիդերլանդների Հաագա քաղաքում՝ Ադրբեջանի դեսպանատան առջև։
Ակցիան կազմակերպել են Նիդերլանդներում բնակվող ադրբեջանական, թուրքական և իրանական համայնքների ներկայացուցիչները։ Նրանք հայտարարել են, որ նման բողոքի ակցիաները կշարունակվեն այնքան ժամանակ, մինչև Ադրբեջանում դպրոցներում հիջաբ կրելու արգելքը չվերացվի։
Հավելենք, որ ավելի վաղ բողոքի ակցիաներ են անցկացվել Անկարայում, Ստամբուլում, Լոնդոնում, Բեռլինում։
Ադրբեջանական լրատվամիջոցները հայտնում են, որ Ստամբուլի այն փողոցը, որտեղ գտնվում է Ադրբեջանի Հանրապետության գլխավոր հյուպատոսությունը, անցել է անվտանգության ուժեղացված ռեժիմի, և թուրքական ոստիկանության զինված պարեկները շուրջօրյա հսկողություն են իրականացնում այնտեղ։
Ներկայում դիվանագիտական ներկայացուցչության ամբողջ տարածքը գտնվում է իրավապահ մարմինների մշտական հսկողության ներքո։ Անվտանգության միջոցառումներն ուժեղացվել են գլխավոր հյուպատոսության շենքի առջև տեղի ունեցած բողոքի ակցիայից հետո։
Թարգմանությունը՝ Էմմա Չոբանյանի
