Քաղաքականություն
01.09.2026 | 20:00
Բեռլինը Մոսկվային ուղղակիորեն մեղադրել է Լայպցիգի օդանավակայանի վրա անօդաչու թռչող սարքերի հարձակումը կազմակերպելու մեջ։
Գերմանիան որոշել է փակել Բոննում Ռուսաստանի հյուպատոսությունը, ինչպես նաև դադարեցնել Բեռլինում «Ռուսական տան» գործունեության վերաբերյալ պայմանագիրը։
Բացի այդ, Գերմանիան կխստացնի Ռուսաստանի քաղաքացիների՝ երկիր մուտք գործելիս իրականացվող սահմանային վերահսկողությունը։
DW-ի ռուսական ծառայության փոխանցմամբ՝ այս մասին մամուլի ասուլիսի ժամանակ հայտարարել են Գերմանիայի ներքին գործերի նախարար Ալեքսանդր Դոբրինդտը և արտաքին գործերի նախարար Յոհանն Վադեֆուլը։
Դոբրինդտի խոսքով՝ Լայպցիգում տեղի ունեցած միջադեպի համար Ռուսաստանի «պատասխանատվության» վերաբերյալ եզրակացությունը արվել է՝ ուսումնասիրելով անօդաչու թռչող սարքի կարգավորումները և որոշ բաղադրիչներ, որոնք օգտագործվել են նաև այլ հիբրիդային միջադեպերի ժամանակ։
