20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Հյուսիսային Կիպրոսի ափերի մոտ լաստանավի շրջվելու հետևանքով 8 մարդ մահացել է, 18-ը՝ անհետ կորել
Քաղաքականություն
31.08.2026 | 10:48
Հյուսիսային Կիպրոսի ափերի մոտ կիրակի ուղևորատար լաստանավի շրջվելու հետևանքով 8 մարդ մահացել է, իսկ 18-ը շարունակում է անհետ կորած համարվել: Այս մասին հայտնել է Հյուսիսային Կիպրոսի ինքնահռչակ հանրապետության նախագահ Թուֆան Էրհուրմանը, գրում է Անադոլու գործակալությունը։
Լրագրողների հետ զրույցում նա նշել է, որ նավը խորտակվել է Կիրենիա ափամերձ քաղաքի մոտ շրջվելուց հետո և այժմ գտնվում է 514 մետր խորության վրա։ Նա ասել է, որ 241 մարդ փրկվել է։
«Նավում գտնվող 8 մարդ մահացել է, մենք որոնում ենք ևս 18 մարդու»,- ասել է Էրհուրմանը։
Նա հավելել է, որ հայտնաբերված 8 մարմիններից 4-ը նույնականացվել են, մինչդեռ մյուս 4-ի նույնականացման աշխատանքները շարունակվում են։ Անհետ կորածների որոնողական գործողություններին մասնակցելու համար Թուրքիայից լրացուցիչ ուժեր և միջոցներ են ուղարկվել։ Էրհուրմանի խոսքով՝ Թուրքիան գործողությանը ներգրավել է երեք ինքնաթիռ, չորս անօդաչու թռչող սարք, վեց ուղղաթիռ, առափնյա պահպանության չորս նավակ, արագընթաց հարվածային նավ, ֆրեգատ և պարեկային նավ։
Հյուսիսային Կիպրոսի Նախարարների խորհուրդը աղետից հետո եռօրյա ազգային սուգ է հայտարարել։
Թարգմանությունը՝ Էմմա Չոբանյանի
