20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Կիմ Չեն Ընը փոխել է ԿԺԴՀ-ի պաշտպանության նախարարին
Քաղաքականություն
30.08.2026 | 15:10
Հյուսիսային Կորեայի առաջնորդ Կիմ Չեն Ընը պաշտոնանկ է արել երկրի պաշտպանության նախարար Նո Հվան Չխոլին՝ նրա փոխարեն նշանակելով Կորեայի ժողովրդական բանակի գլխավոր քաղաքական վարչության նախկին ղեկավար Կիմ Սոն Հիին։ Այս մասին կիրակի՝ օգոստոսի 30-ին, հայտնում է AFP գործակալությունը՝ հղում անելով Հյուսիսային Կորեայի պետական KCNA գործակալությանը։
Կիմ Չեն Ընի նախագահությամբ անցկացված նիստում ընդունվել են երկրի ռազմական ղեկավարության «կառուցվածքային վերակազմակերպման ծրագրերը», հայտնում է KCNA-ն՝ տեղեկացնելով նաև ԿԺԴՀ-ի ռազմական ղեկավարությունում այլ կադրային փոփոխությունների մասին։
AFP-ն նշում է, որ պաշտոնանկ արված պաշտպանության նախարարը ոչ միայն ազատվել է զբաղեցրած պաշտոնից, այլև Կորեայի աշխատավորական կուսակցության հիերարխիայում իջեցվել է՝ նշանակվելով «Ռազմական արդյունաբերության բաժնի ղեկավարի տեղակալի» մակարդակով պաշտոնի։ Կադրային փոփոխությունների պատճառները չեն հաղորդվում։
dpa գործակալության փոխանցմամբ՝ կադրային փոփոխությունները տեղի են ունենում Հյուսիսային Կորեայի զինված ուժերի շարունակական արդիականացման ֆոնին։ Հարավային Կորեայի տվյալներով՝ ընդամենը մեկ շաբաթ առաջ ԿԺԴՀ-ն արձակել է առնվազն տասը կարճ հեռահարության բալիստիկ հրթիռ։
