28.08.2026 | 13:32
«Երեխաներն առանձին սենյակում են գտնվել․ նոր քրեական հետապնդումներ կարող են հարուցվել»․ Կոստանդյանը՝ Քոչարյանի գործի մասին
89 տարեկանում մահացել է Նորվեգիայի թագավորը
Քաղաքականություն
28.08.2026 | 11:44
Նորվեգիայի թագավոր Հարալդը մահացել է 89 տարեկանում՝ ավելի քան 35 տարի գահակալելուց հետո, հայտնել է Թագավորական պալատը։
Միապետը, որը մի քանի շաբաթ շարունակ հիվանդության պատճառով արձակուրդում էր, մեկ շաբաթ առաջ հոսպիտալացվել էր Օսլոյի ազգային հիվանդանոց։ Շաբաթավերջին նրա առողջական վիճակը կտրուկ վատթարացել էր։ Նրա կինը՝ Սոնյա թագուհին, և որդին՝ թագաժառանգ Հաակոնը, չեղարկել էին արքայական բոլոր միջոցառումները։
Թագավորը հակաբիոտիկներ էր ստանում արյան բակտերիալ վարակի դեմ և արձագանքել էր բուժմանը, հայտարարել էր պալատը՝ հավելելով, որ նրա վիճակը կայուն է։
Այս տարվա փետրվարին՝ Սոնյա թագուհու հետ Թեներիֆեում հանգստանալու ժամանակ, թագավորը վարակվելու և ջրազրկման պատճառով հոսպիտալացվել էր։
Հարալդը Եղիսաբեթ թագուհու մահից հետո դարձել էր Եվրոպայի ամենատարեց գործող միապետը։ 53-ամյա թագաժառանգ Հաակոնը գահի իրավահաջորդն է և հոր փոխարեն կատարում էր նրա լիազորությունները՝ որպես ռեգենտ։
Թարգմանությունը՝ Էմմա Չոբանյանի
