20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
ՀԷՑ-ի դիմումով բարձրանալու է հոսանքի գինը. Ղազինյան. ՏԵՍԱՆՅՈՒԹ
Քաղաքականություն
14.08.2026 | 18:55
Ազգային ժողովում հանձնաժողովի նախագահի թեկնածու Դավիթ Ղազինյանը, պատասխանելով պատգամավոր Մեսրոպ Մանուկյանի հարցին, հայտարարեց, որ Հայաստանում սպասվում է էլեկտրաէներգիայի սակագնի բարձրացում։ Ղազինյանի պնդմամբ՝ ի տարբերություն նախորդ տարիների, այս անգամ գնի բարձրացման նախաձեռնողը հենց «Հայաստանի էլեկտրական ցանցեր» (ՀԷՑ) ընկերությունն է լինելու։
Ղազինյանը կասկած հայտնեց, որ իշխանություններն արհեստականորեն զսպել են սակագնի բարձրացումը նախընտրական շրջանում։ Նա մատնանշեց Հայկական ատոմային էլեկտրակայանի բյուջեում հայտնված տարօրինակ մի թիվ․ «Ատոմակայանի համար նախատեսել եք 12 միլիարդ դրամ «այլ ֆինանսական եկամուտ»… Արդյո՞ք չեմ կարող ունենալ հիմնավոր կասկած, որ այդ 12 միլիարդը ինչ-որ տեղից դրել են, որպեսզի զսպեն (սակագինը), որովհետև նախընտրական տարի էր»։
Ղազինյանը հիշեցրեց, որ 2015-ին ՀԷՑ-ը ձեռք բերելուց հետո սեփականատեր Սամվել Կարապետյանը պատրաստակամություն էր հայտնել երկար ժամանակով սառեցնել սակագինը․ «Սամվել Կարապետյանն ինձ ասեց՝ «Դավիթ, դու իրավունք ունես հայտարարես, որ ևս 10 տարի չեմ բարձրացնելու՝ անկախ որևէ հանգամանքից»։
Սակայն, ըստ թեկնածուի, էներգետիկ համակարգում կուտակված ընդհանուր բացասական բալանսը և առկա խնդիրներն այլևս թույլ չեն տալիս խուսափել թանկացումից։
Մանրամասները՝ տեսանյութում։
Եվգենյա Համբարձումյան
