20.07.2026 | 13:48
ՀՀ բանակի զինծառայողների մարզումները 155 մմ տրամաչափի «ԱՐԱՄԱԶԴ» ինքնագնաց հրետանային կայանքներով․ ՏԵՍԱՆՅՈՒԹ
ԱՄՆ-ը պատրաստ է թույլատրել Սաուդյան Արաբիային հարստացնել ուրանը․ CNN
Քաղաքականություն
19.07.2026 | 12:10
ԱՄՆ նախագահ Դոնալդ Թրամփի վարչակազմը նախնական համաձայնություն է տվել թույլատրել Սաուդյան Արաբիային հարստացնել ուրանը՝ առանց այնպիսի երաշխիքների, որոնք կկանխեին երկրի կողմից միջուկային զենքի մշակումը։ Այս մասին հուլիսի 18-ին հայտնել է CNN-ը՝ հղում անելով բանակցությունների ընթացքին ծանոթ աղբյուրներին։
Խոսքը Վաշինգտոնի և Էր Ռիադի միջև երկկողմ համաձայնագրի նախագծի մասին է, որը նախատեսում է ԱՄՆ-ի աջակցությունը Սաուդյան Արաբիայում քաղաքացիական միջուկային էներգետիկայի զարգացմանը։
CNN-ի հետ զրուցած փորձագետների խոսքով՝ եթե գործարքը կնքվի առանց այն պահանջի, որ Սաուդյան Արաբիան միանա Ատոմային էներգիայի միջազգային գործակալության (ԱԷՄԳ) Լրացուցիչ արձանագրությանը, ապա դա կարող է Էր Ռիադի համար ճանապարհ բացել դեպի միջուկային զենքի ձեռքբերում։
Լրացուցիչ արձանագրությունը ԱԷՄԳ տեսուչներին տալիս է ընդլայնված լիազորություններ՝ ստուգելու հնարավոր չհայտարարված միջուկային օբյեկտները։
Ավելի վաղ թագավորության գահաժառանգ արքայազն Մոհամմեդ բեն Սալմանը հայտարարել էր, որ եթե Իրանը ստեղծի միջուկային զենք, ապա Սաուդյան Արաբիան նույնպես կձգտի այն ձեռք բերել։
CNN-ի տվյալներով՝ ԱՄՆ-ն և Սաուդյան Արաբիան դեռևս 2025 թվականի աշնանն ավարտել էին միջուկային էներգետիկայի ոլորտում համագործակցության շուրջ բանակցությունները, սակայն փաստաթուղթը մինչև այժմ սպասում է նախագահ Դոնալդ Թրամփի ստորագրությանը։
Հեռուստաալիքի աղբյուրների փոխանցմամբ՝ ստորագրման ձգձգման պատճառներից մեկը ԱՄՆ-ի և Իսրայելի՝ Իրանի դեմ պատերազմի մեկնարկն է։
