18.07.2026 | 16:19
Սպասվում է կարճատև անձրև և ամպրոպ
2026-ին Հայաստանի բուհեր ընդունվել է 9620 դիմորդ․ ԳԹԿ
Հասարակություն
18.07.2026 | 14:18
2026-2027 ուսումնական տարվա բուհական ընդունելության հիմնական փուլի արդյունքում Հայաստանի բուհեր ընդունվել է 9 620 դիմորդ։ Հանրապետական ընդունող հանձնաժողովի նիստում հայտարարվել է, որ կառավարության հատկացրած 12 720 տեղերից համալրվել է 9 674-ը, իսկ մրցույթից դուրս մնացած դիմորդների համար առաջիկա օրերին կկազմակերպվի լրացուցիչ մրցույթ՝ թափուր տեղերի համալրման նպատակով։
«2026 թվականի բուհերի ընդունելության համար կառավարությունը հատկացրել է 12 720 տեղ, որից 2 133-ը՝ անվճար, 10 587-ը՝ վճարովի։ Բուհ է ընդունվել 9 620 մարդ, որից անվճար հիմունքներով, ներառյալ նաև պահուստային և նպատակային տեղերը, 1 875 հոգի, վճարովի տեղերը զբաղեցրել է 7 799 դիմորդ։
Այս մասին հուլիսի 17-ին տեղի ունեցած հանրապետական ընդունող հանձնաժողովի նիստում տեղեկացրել է ԳԹԿ տնօրենի պաշտոնակատար Արմեն Փաշայանը: Ընդունելության արդյունքները կհրապարակվեն հուլիսի 18-ին՝ ընդունվածների ցուցակները կփակցվեն բուհերում: Իր ընդունված կամ չընդունված լինելու մասին դիմորդը կարող է տեղեկանալ նաև մուտք գործելով dimord.am-ի իր էջ: Մրցույթից դուրս մնացած դիմորդների համար ԳԹԿ-ն մի քանի օրից կկազմակերպի լրացուցիչ մրցույթ՝ թափուր տեղերի համար»,- ասված է ԳԹԿ—ի տարածած հաղորդագրությունում։
