19.10.2026 | 17:19
ԱԱԾ 7-8 աշխատակիցներ քաղաքացիական հագուստով մեզ են հետևում. Ամուլսարի հանքի շահագործման դեմ պայքարող․ ՏԵՍԱՆՅՈՒԹ
ՀՀ-ն պատրաստ է իր փորձով կիսվել ու աջակցել մյուս երկրներին. Ժաննա Անդրեասյանի ելույթը` COP17-ին. ՏԵՍԱՆՅՈՒԹ
Հասարակություն
19.10.2026 | 16:09
ՄԱԿ-ի Կենսաբազմազանության COP17 համաժողովի շրջանակում կայացած պարենային անվտանգության և կենսաբազմազանության ապահովման գործում կրթական համակարգերի դերակատարման վերաբերյալ պանելային քննարկման իր ելույթում ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդգծեց, որ կրթությունն ունի առանցքային նշանակություն գլոբալ մարտահրավերների հասցեագրման գործում, իսկ Հայաստանի լավագույն օրինակներից մեկը «Դպրոցական սնունդ» ծրագիրն է, որն իրականացվել է ՄԱԿ-ի Պարենի համաշխարհային ծրագրի (WFP) հետ համագործակցությամբ:
Ժաննա Անդրեասյանի խոսքով՝ «Դպրոցական սնունդը» Հայաստանի համար բացառիկ ծրագիր է, որը միջազգային աջակցությամբ սկսվելուց հետո ամբողջությամբ ստանձնվել է պետության կողմից։
«Այսօր արդեն Հայաստանի մարզերի 1-ից 4-րդ դասարանների ավելի քան 100 000 երեխաներ պետական բյուջեի միջոցներով առողջ սնվելու հնարավորություն ունեն: Բայց սա միայն սննդի մասին չէ. առողջ ապրելակերպը պարտադիր դասընթաց է մեր դպրոցներում, որտեղ առողջ սնվելու բաղադրիչը տեսականից վերածվում է գործնական հմտության»,- նշեց նախարարը:
Ժաննա Անդրեասյանը շեշտեց, որ Հայաստանը, լինելով Դպրոցական սննդի համաշխարհային կոալիցիայի անդամ, պատրաստ է իր հաջողված փորձը փոխանցել այլ երկրների։ «Հայաստանը պատրաստ է իր փորձով կիսվել, պատրաստ է աջակցել մյուս երկրներին, որոնք նոր են ոտք դնում այն ճանապարհին, որը մենք արդեն անցել ենք: Միմյանցից սովորելն ու փորձ փոխանակելն է կենսաբազմազանության ապահովման ուղիղ գրավականը»,- ասաց է նախարարը։
Մանրամասները՝ տեսանյութում։
Անի Թամրազյան
