29.08.2026 | 13:16
Երիցվանքում պեղումների առաջին փուլն ավարտվել է․ հայտնաբերվել են նոր տվյալներ համալիրի պատմության մասին. ԼՈՒՍԱՆԿԱՐՆԵՐ
ԱԱ-2026․ Իսպանիան հաղթեց և կիսաեզրափակիչում կմրցի Ֆրանսիայի հետ․ ՏԵՍԱՆՅՈՒԹ
11.07.2026 | 00:59
ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության կիսաեզրափակիչի առաջին զույգը կազմեցին Իսպանիայի ու Ֆրանսիայի հավաքականները։
Եվրոպայի գործող չեմպիոն իսպանացիները քառորդ եզրափակիչում մրցեցին Բելգիայի հավաքականի հետ ու հաղթեցին 2:1 հաշվով (տեսանյութ):
Լոս Անջելեսում կայացած խաղում իսպանացիներից աչքի ընկան ֆրանսիական ՊՍԺ-ի կիսապաշտպան Ֆաբիան Ռուիսն ու Լոնդոնի «Արսենալի» հարձակվող Միկել Մերինոն։ 30-ամյա Մերինոն հանդիպման վերջնամասում հաղթական գոլ խփեց երկրորդ խաղում անընդմեջ։ Բելգիայի հավաքականից աչքի ընկավ իտալական «Ատալանտայի» հարձակվող Շարլ Դե Կետելարեն։
Ավելի վաղ Ֆրանսիայի հավաքականը քառորդ եզրափակիչում 2։0 հաշվով հաղթել էր մարոկկացիներին։
Կիսաեզրափակիչի մյուս երկու ուղեգրերը կվիճարկվեն Նորվեգիա – Անգլիա և Արգենտինա – Շվեյցարիա խաղերում։
ԱԱ-2026, 1/4 եզրափակիչ
Իսպանիա – Բելգիա՝ 2:1
Ֆաբիան Ռուիս, 30, Միկել Մերինո, 88 – Շարլ Դե Կետելարե, 41
