27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
10.07.2026 | 02:01
Ֆրանսիայի հավաքականը դարձավ ԱՄՆ-ում, Կանադայում և Մեքսիկայում անցկացվող ֆուտբոլի աշխարհի առաջնության կիսաեզրափակիչի առաջին մասնակիցը։
Քառորդ եզրափակիչում Դիդյե Դեշամի գլխավորած թիմը Բոսթոնում մրցեց Մարոկկոյի հավաքականի հետ ու հաղթեց 2:0 հաշվով (տեսանյութ)։
Հանդիպման հաշիվը 60-րդ րոպեին բացեց Մադրիդի «Ռեալի» հարձակվող Կիլիան Մբապեն, որն առաջին խաղակեսում վրիպել էր 11-մետրանոցից։ 60-րդ րոպեին խաղի վերջնական հաշիվը ձևակերպեց Փարիզի ՊՍԺ-ի հարձակվող Ուսման Դեմբելեն։
27-ամյա Մբապեն ԱԱ-2026-ում գոլերի թիվը հասցրեց 8-ի և հավասարվեց ռմբարկուների ցուցակը գլխավորող արգենտինացի Լիոնել Մեսիին։ Դեմբելեն էլ խփեց 5-րդ գոլը։
Եզրափակիչի ուղեգիրը ֆրանսիացիները կվիճարկեն Իսպանիա – Բելգիա զույգի հաղթողի հետ։ Քառորդ եզրափակիչում կկայանան նաև Նորվեգիա – Անգլիա և Արգենտինա – Շվեյցարիա դիմակայություններ։
ԱԱ-2026, 1/4 եզրափակիչ
Ֆրանսիա – Մարոկկո՝ 2:0
Կիլիան Մբապե, 60, Ուսման Դեմբելե, 66
Վրիպում 11-մետրանոցից` Կիլիան Մբապե, 28
