«Առյուծներին կտանեն ԱԺ, չուչելներին չհասկացա խի տարան». Սամվել Կարապետյանը` Ծառուկյանի գործի մասին․ ՏԵՍԱՆՅՈՒԹ

«Ուժեղ Հայաստան» կուսակցության ղեկավար Սամվել Կարապետյանը՝ իր գործով դատական նիստից հետո լրագրողների հետ զրույցում անդրադարձավ երկրում տիրող քաղաքական իրավիճակին, ԲՀԿ առաջնորդ Գագիկ Ծառուկյանի նկատմամբ քրեական հետապնդումներին և ընդդիմության՝ մանդատները վերցնելու որոշմանը։

Կարապետյանի պնդմամբ՝ երկրում ապօրինությունները շարունակվում են, իսկ իշխանության գործողությունները վտանգում են ներդրումային միջավայրը։

«Մեր երկրում վերջին տարիներին բացարձակ ներդրումներ չեն եղել, դրա համար դրա վտանգը իրենք չեն տեսնում: Ես շատ մեծ վտանգ եմ տեսնում, իրենց բոլոր քայլերը կանգնեցնում են թե՛ ներքին ներդրողներին, թե՛ արտաքին ներդրողներին»,- ասաց նա։

Խոսելով փողոցային պայքարի մասին՝ նշեց, որ այն անպայման լինելու է. «Մենք ասել ենք՝ փողոցային պայքար անպայման լինելու է՝ մեկ անգամ և վերջնական»։

Պատասխանելով քննադատություններին, թե ինչու ընդդիմությունը որոշեց վերցնել մանդատները՝ Կարապետյանը հայտարարեց, որ դա ամենակարճ ճանապարհն է Փաշինյանին հեռացնելու համար։

«Իշխանությունը չուզեց իր լեգիտիմությունը ճանաչել… ես արել էի կոնկրետ առաջարկություն. գնանք, օգնենք ձեզ, եթե իրոք հաղթել եք, ընտրվեք օրինական ձևով, մենք էլ Ձեր լեգիտիմությունը կճանաչենք։ Իրենք այլ ճանապարհ ընտրեցին»,- ասաց Կարապետյանը։

Նա նաև վստահեցրեց, որ Ազգային ժողովում բարձրաձայնելու են ֆերմերների և գործարարների խնդիրները՝ փորձելով գտնել լուծումներ։

Մանրամասները՝ տեսանյութում։