22.10.2026 | 13:13
Վատիկանը հայտնել է, որ Հռոմի պապն այլևս քաղցկեղի դեմ բուժման կարիք չի ունենա
Մարթա Կոսը ծիրանի ջեմ է պատրաստել. ԼՈՒՍԱՆԿԱՐՆԵՐ
Քաղաքականություն
06.07.2026 | 23:10
Եվրամիության ընդլայնման հարցերով հանձնակատար Մարթա Կոսը հրապարակում է կատարել՝ նշելով, որ ջեմ է պատրաստել հայկական ծիրանից, որը, ըստ նրա, խորհրդանշում է Հայաստանում տեղի ունեցող փոփոխությունները։
«Ծիրանը խորհրդանշում է այն փոփոխությունը, որը տեղի է ունենում Հայաստանում։ Անցյալ ամիս կայացած ընտրություններում հայերի մեծամասնությունը քվեարկեց այն կուսակցությունների օգտին, որոնք ցանկանում են ավելի սերտ գործընկերություն ունենալ Եվրամիության հետ։ Ռուսաստանը փորձել էր ազդել քվեարկության վրա՝ սահմանափակելով հայկական մրգերի և ծաղիկների ներմուծումը։ Ի պատասխան՝ Եվրամիությունը օգնեց Հայաստանին՝ բացելով իր շուկան այդ արտադրատեսակներից շատերի համար։
Ահա թե ինչու, երբ անցյալ շաբաթ Հայաստանում էի, Բրյուսել վերադարձա ծիրանով լի հսկայական զամբյուղով։ Դրանցից շատերը նվիրեցի ընկերներիս։ Մնացածից ջեմ պատրաստեցի։
Ընկերներիցս մեկը նայեց ջեմին և ասաց. «Ազատության տարաներ»։ Կարծեցի՝ դա շատ գեղեցիկ ձևակերպում էր։
Երբ գնաք սուպերմարկետ, ուշադրություն դարձրեք հայկական ծիրանին, սալորին կամ բալին։ Սա փոքր, բայց կարևոր քայլ անելու հնարավորություն է, որը կարող է օգնել հայ ֆերմերներին և աջակցել նրանց երկրի ժողովրդավարական ընտրությանը»,- գրել է Մարթա Կոսը։
