02.07.2026 | 18:00
Վճռականորեն ասում եմ` երկաթուղին ՀՀ սեփականությունն է և պետք է ծառայի մեր շահերին. Փաշինյան․ ՏԵՍԱՆՅՈՒԹ
ՌԴ-ում եմ ապրել ու աշխատել․ իմ նմաններին արգելելու եք ընտրել․ Աղազարյան․ ՏԵՍԱՆՅՈՒԹ
Քաղաքականություն
02.07.2026 | 15:47
«Օրենքի նախագիծը մշակվել է էմոցիոնալ հենքի վրա և ամբողջությամբ հակասահմանադրական է, որովհետև քաղաքացու ամենակարևոր իրավունքներից մեկը՝ ընտրելու իրավունքը, սահմանափակվում է»,-ԱԺ-ում հայտարարեց անկախ պատգամավոր Հովիկ Աղազարյանը։
Հիշեցնենք՝ ԱԺ-ն այսօր քննարկում է «ՀՀ ընտրական օրենսգրքում» փոփոխություններ կատարելու մասին նախագիծը, ըստ որի` նախորդող 730 օրվա ընթացքում Հայաստանի Հանրապետությունում փաստացի 366 և ավել օր չգտնվելու դեպքում ՀՀ քաղաքացին կամ ռեզիդենտ հանդիսացող անձինք չեն կարողանա մասնակցել ընտրություններին կամ հանրաքվեներին։
«Եվ հիմա շատ հեռու էլ չգնանք, վերցնեմ իմ կյանքի օրինակը. հանգամանքների բերումով տասը տարի դրսում եմ աշխատել, Ռուսաստանում եմ աշխատել՝ այստեղ աշխատանք չունենալու պատճառով, նաև իմ հայացքների հետ կապված և այլն:
Աշխատել եմ Ռուսաստանում, ես այնտեղ բուհ եմ ավարտել, տեխնիկական գիտությունների թեկնածու եմ եղել և կարող էի կես ժամում, պատկերավոր ասած, քաղաքացի լինել: Քաղաքացի չեմ դարձել, որովհետև սիրել եմ Հայաստանը, մտածել եմ՝ վաղը չէ մյուս օրը վերադառնալու եմ, ընտրելու եմ, ընտրվելու եմ և այլն:
Հիմա դուք, փաստորեն, իմ նմաններին արգելում եք ընտրել: Դա որքանո՞վ է արդարացի՝ սահմանադրականությունը մի կողմ թողած»,-ասաց նա։
Մանրամասները՝ տեսանյութում։
