02.11.2026 | 16:38
Պարեկներին 20 հազար դրամ կաշառք առաջարկած երկու վարորդ ձերբակալվել է
Ձայնագրությունները մոնտաժված են եղել․ «Ուժեղ Հայաստանին» ահռելի վնաս է պատճառվել․ Վարդևանյան․ ՏԵՍԱՆՅՈւԹ
Քաղաքականություն
28.06.2026 | 15:38
Իրավապահ մարմինների կողմից հարուցված վարույթները և գործողությունները էական վնաս են պատճառվել «Ուժեղ Հայաստան» դաշինքի քաղաքական գործունեությանը։ Այս մասին ՍԴ-ում հայտարարեց դաշինքի ներկայացուցիչ Արամ Վարդևանյանը։
«Դրանք զուգակցված են եղել անմեղության կանխավարկածի տոտալ նսեմացմամբ և վերածվել են քաղաքական ճնշման գործիքի ու ռեպրեսիվ մեքենայի։ Պատկերացրեք՝ Հայաստանի ընտրական գործընթացներում չի եղել դեպք, որ անձին գաղտնալսեն ապրիլ-մայիսին, բայց ձերբակալումները և կալանքի միջնորդությունները ներկայացվեն ընտրություններից ընդամենը մի քանի օր առաջ։ Սա ակնհայտ վնաս է պատճառում քաղաքական ուժի գործունեությանը»,-ասաց Վարդևանյանը։
Նա կոչ արեց վկայակոչեք մի դեպք, որ «Ուժեղ Հայաստան» դաշինքը նման զազրելի երևույթի հետ առնչություն է ունեցել։
«Մեր կողմից ներկայացվել է սոցիոլոգիական հետազոտության արդյունք, ըստ որի՝ Հակակոռուպցիոն կոմիտեի կողմից հրապարակված ձայնագրությունները բացասական ազդեցություն են ունեցել հանրության կողմից մեր ուժի նկատմամբ։ Մարդիկ, որոնք պատկերացրել են, որ կարող են իրենց քվեն տալ մեզ, այդ ձայնագրությունները լսելուց հետո ձեռնպահ են մնացել։ Նպատակը եղել է բացառապես սև PR գործիքի իրացումը, ինչի մեջ ներքաշված է եղել իրավապահ մարմինների համակարգը։ Հենց Հակակոռուպցիոն կոմիտեի նախագահն է հարցազրույցում արձանագրել, որ այդ հանրայնացվող ձայնագրությունները մոնտաժված են»,-ասաց նա։
Մանրամասները՝ տեսանյութում։
