22.10.2026 | 11:48
Հայաստանը հայտնվել է National Geographic-ի՝ 2027 թվականի լավագույն զբոսաշրջային ուղղությունների ցանկում
Թուրքիայում ավելի քան 200 մարդ է ձերբակալվել՝ Անկարայում նախանշված ՆԱՏՕ-ի գագաթնաժողովից առաջ
Քաղաքականություն
23.06.2026 | 17:46
Թուրքիայի ոստիկանությունը երեքշաբթի, ՆԱՏՕ-ի առաջիկա գագաթնաժողովին ընդառաջ, ավելի քան 200 մարդու է ձերբակալել, որոնք կասկածվում են «Իրաքի և Լևանտի իսլամական պետության» (ԻԼԻՊ) և արգելված ծայրահեղ ձախ խմբավորումների հետ կապերի մեջ, հայտնել են պաշտոնյաները, գրում է Turkish Minute-ը։
Անկարայի դատախազությունը հայտնել է, որ մայրաքաղաքում ձերբակալվել է 209 մարդ, 32-ը շարունակում է մնալ ազատության մեջ։ Ձերբակալվածներից 185-ը կասկածվում են մի քանի ծայրահեղ ձախակողմյան կազմակերպությունների անդամակցության մեջ, որոնք Անկարայի կողմից ճանաչվել են ահաբեկչական խմբավորումներ։ Նրանց թվում է Հեղափոխական ժողովրդական ազատագրական կուսակցություն-ճակատը (DHKP-C)-ն, որը նախկինում ստանձնել է Թուրքիայում տեղի ունեցած մի շարք հարձակումների պատասխանատվությունը։
Իշխանությունները հայտարարել են, որ գործողություններն ուղղված են եղել մի քանի խմբերի դեմ՝ որպես ավելի լայն անվտանգության միջոցառումների մաս։
Անկարայի նահանգապետարանը երկուշաբթի երեկոյան հայտարարել է բոլոր ցույցերի արգելքի մասին հունիսի 28-ից մինչև հուլիսի 7-8-ը՝ Թուրքիայի մայրաքաղաքում նախատեսված ՆԱՏՕ-ի գագաթնաժողովի ավարտը։
Գագաթնաժողովին, ինչպես սպասվում է, կմասնակցեն 32 անդամ պետությունների ղեկավարներ, այդ թվում՝ ԱՄՆ նախագահ Դոնալդ Թրամփը։
Ավելի վաղ հաղորդվել էր, որ Թուրքիայի իշխանությունները ՆԱՏՕ-ի գագաթնաժողովի կապակցությամբ «կարմիր գոտիներ» կսահմանեն օդանավակայանների, նախագահական համալիրի, ավտոշարասյուների երթուղիների և պատվիրակությունների հյուրանոցների շուրջ, 15 օրով կարգելեն ցույցերը, կսահմանափակեն որոշ միջազգային չվերթներ, կխստացնեն Անկարա մուտքի ստուգումները և 40,000 ոստիկանական ու ժանդարմերիայի ստորաբաժանումներ կտեղակայեն։
Թարգմանությունը՝ Էմմա Չոբանյանի
