06.09.2026 | 10:45
Սպիտակ տուն․ ԱՄՆ բանագնացները Ռուսաստանում քննարկել են Ուկրաինայի հարցով «կոնկրետ ծրագրերը»
Ադրբեջանը Թուրքմենստանին նավթային լցանավ է նվիրել
Քաղաքականություն
22.06.2026 | 15:59
Ադրբեջանը «Դոստլուգ» նավթային լցանավ է նվիրել Թուրքմենստանին։ Ադրբեջանական լրատվամիջոցների հաղորդմամբ՝ փոխանցման արարողությունը տեղի է ունեցել երկու երկրների նախագահներ Իլհամ Ալիևի և Սերդար Բերդիմուհամեդովի մասնակցությամբ։
Նշվում է, որ լցանավը կառուցվել է Բաքվի նավաշինարանում։ Դրա ընդհանուր երկարությունը 141 մետր է, լայնությունը՝ 16,9 մետր, խորությունը՝ 4,54 մետր։ Նշվում է, թե 7875 տոննա ծանրությամբ լցանավի կառուցումն Ադրբեջանում ոչ միայն ցույց է տալիս երկրի նավաշինական արդյունաբերության զարգացումը, այլև նպաստում է Ադրբեջանի և Թուրքմենստանի միջև բարեկամական հարաբերությունների զարգացմանը։ Միևնույն ժամանակ, այն ևս մեկ անգամ ցույց է տալիս Բաքվի նավաշինարանի կարողությունը՝ իրականացնելու լայնածավալ և տեխնոլոգիապես բարդ նավաշինական նախագծեր։
Հավելենք, որ Իլհամ Ալիևի և Սերդար Բերդիմուհամեդովի մասնակցությամբ տեղի է ունեցել Ադրբեջանի Հանրապետության և Թուրքմենստանի միջև տարբեր ոլորտներին առնչվող ստորագրված փաստաթղթերի փոխանակման արարողությունը երկու երկրների ղեկավարների բանակցությունների ավարտից հետո։
Թարգմանությունը՝ Էմմա Չոբանյանի
