20.06.2026 | 00:21
Կոտրված ապակիներ, մարմնական վնասվածքներ, խցանումներ․ ինչ վնաս է հասցրել կարկուտը Գյումրիում. ՏԵՍԱՆՅՈՒԹ
Բաքվի դատարանը ձերբակալված 8 ռուսներին դատապարտել է 3-ից 4 տարվա ազատազրկման
Քաղաքականություն
19.06.2026 | 22:36
Բաքվի ծանր հանցագործությունների դատարանը Ռուսաստանի ութ քաղաքացիների դատապարտել է տարբեր ժամկետներով ազատազրկման՝ նրանց մեղավոր ճանաչելով Իրանից թմրանյութերի տարանցման և տարածման, ինչպես նաև կիբերխարդախության մեջ, հաղորդում են ադրբեջանական լրատվամիջոցները։
Մասնավորապես, Սերգեյ Սաֆրոնովը, Անտոն Դրաչևը, Դմիտրի Բեզուգլին և Վալերի Դուլովը դատապարտվել են չորսական, իսկ Դմիտրի Ֆյոդորովը, Բորիս Տիմոշովը, Ալեքսեյ Վասիլչենկոն և Իլյա Բեզուգլին՝ երեքական տարվա ազատազրկման։
Մեղադրական եզրակացության համաձայն՝ Սաֆրոնովը, խմբի մյուս անդամների հետ միասին, կազմակերպել է թմրանյութերի ապօրինի շրջանառությամբ զբաղվող հանցավոր կազմակերպություն։ Գործով պարզվել է, որ նրանք մեծ քանակությամբ հերոին, մետադոն և հոգեմետամին պարունակող նյութ են ձեռք բերել՝ Բաքվում հետագա վաճառքի համար։
Նշվում է, որ նրանք ձերբակալվել էին Ադրբեջանի ՆԳՆ-ի կողմից թմրանյութերի ապօրինի շրջանառության և կիբեռխարդախության դեմ պայքարի գործողության արդյունքում: Նրանք կալանավորվել էին Սաբայիլի շրջանային դատարանի 2025 թվականի հուլիսի 1-ի որոշմամբ։
Նրանց մեղադրանք է առաջադրվել Ադրբեջանի քրեական օրենսգրքի 234.4.1 (թմրամիջոցների, հոգեմետ նյութերի անօրինական արտադրություն, ձեռքբերում, պահպանում, փոխադրում, փոխանցում կամ վաճառք, որը կատարվել է խմբի կողմից նախնական դավադրությամբ կամ կազմակերպված խմբի կողմից) և 234.4.3 (նույն արարքները, որոնք կատարվել են առանձնապես խոշոր մասշտաբով) հոդվածներով։
Թարգմանությունը՝ Էմմա Չոբանյանի
