04.11.2026 | 16:07
ՊՍԺ-ն ուշագրավ ցուցանիշ է գրանցել Չեմպիոնների լիգայում
Ավելի քանի 800 հազար դոլարի գույք է վերադարձվել Պետգույքի կառավարման կոմիտեին. Վարդապետյան․ ՏԵՍԱՆՅՈՒԹ
Հասարակություն
07.05.2026 | 13:07
Ավելի քանի 800 հազար դոլարի գույք է վերադարձվել Պետգույքի կառավարման կոմիտեին։ Այս մասին Կառավարության նիստի ժամանակ հայտարարեց Գլխավոր դատախազ Աննա Վարդապետյանը։
«Սա ապօրինի ծագում ունեցող գույքի բռնագանձման հայցերից մեկով ձեռք բերված հաշտության արդյունք է։ Կոտայքի մարզի Նոր Հաճն համայնքի Քանաքեռավան գյուղի շուրջ 20,6 հեկտար մակերեսով անշարժ գույքի նկատմամբ Հայաստանի Հանրապետության սեփականության իրավունքն է գրանցվում։ Սեփականության իրավունքը գրանցվել է 2026 թվականի ապրիլի 26-ին։ Այս որոշմամբ մենք դա ամրացնում ենք Պետգույքի կառավարման կոմիտեին»,- ընդգծեց Վարդապետյանը։
Վարդապետյանը նշեց, որ հաշտությունը վերաբերում է հայցի միայն մի մասին, հայցապահանջում ներառված մյուս գույքերի բռնագանձման պահանջի մասով քաղաքացիական գործի քննությունը դատարանում շարունակվում է։
«Լրացուցիչ տեղեկատվության մասով նշեմ, որ 23 թվականի օգոստոսի 29-ին ապօրինի ծագում ունեցող գույքի բռնագանձման հայցադիմում էր ներկայացրել Գլխավոր դատախազությունը Հակակոռուպցիոն դատարան՝ ընդդեմ Կոտայքի մարզի Աբովյան համայնքի նախկին ղեկավար Կարապետ Գուլոյանի օգնական Մանուկ Հակոբյանի և նրա կնոջ»,- ասաց դատախազը։
Մանրամասները՝ տեսանյութում։
