16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Միջնորդագրեր ենք ուղարկել բանկերին, պահանջել ենք անվտանգության սիստեմները կարգի բերել․ Վարդապետյան․ ՏԵՍԱՆՅՈՒԹ
Հասարակություն
06.05.2026 | 13:53
Վերահսկողական թույլ մեխանիզմների առկայության պատճառով, մասնավորապես մի շարք բանկերում, անձինք զրկվել էին իրենց դրամական միջոցներից, և եթե կհիշեք՝ այդ անձինք նաև իրենց բողոքի ձայնն էին բարձրացնում Կենտրոնական բանկի դիմաց և Գլխավոր դատախազության շենքի դիմաց: Այս մասին ԱԺ-ում կիբեռհանցագործությունների մասին խոսելիս նշեց գլխավոր դատախազ Աննա Վարդապետյանը։
«Ես միջնորդագիր եմ ուղարկել Կենտրոնական բանկի նախագահին, և բացի այդ մի քանի անգամ քննարկումներ ենք ունեցել Բանկերի միության հետ: Եվ այս բոլոր վարույթներով տուժողներ են ճանաչվել բանկերը, չնայած բանկային համակարգը սրա հետ համաձայն չէր: Իրենք պնդում էին, որ այս առումով իրենք տուժող չեն, իրենք միևնույն է պետք է այդ վարկային միջոցների տրամադրման արդյունքում կարողանային իրենց եկամուտները գեներացնեին, բայց իրավապահ մարմինը այլ կարծիքի էր:
Մենք բանկերին միջնորդագրեր ուղարկեցինք՝ պահանջելով, որպեսզի իրենց անվտանգության սիստեմները կարգի բերեն: Եվ դրա արդյունքով մի քանի ամիս հետո բոլոր այն անվտանգության խոցելի կետերը, որոնք կային այս բանկերում, կարծես թե վերացվեցին»,- նշեց նա։
Մանրամասները՝ տեսանյութում։
