12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՀՀ-ԵՄ կապակցվածության գործընկերության վերաբերյալ փաստաթուղթ ստորագրվեց․ ՏԵՍԱՆՅՈՒԹ
Քաղաքականություն
05.05.2026 | 12:28
Հայաստան – Եվրոպական միություն համագործակցության շրջանակներում կարևոր փաստաթղթերի ստորագրման և հանձնման պաշտոնական արարողություն է տեղի ունեցել ՀՀ նախագահի նստավայրում։
Ստորագրվել է Հայաստանի և Եվրոպական միության միջև կապակցվածության գործընկերության փաստաթուղթը, ինչպես նաև նախաստորագրվել է Հայաստանի Հանրապետության և Եվրոպական սահմանային և առափնյա պահպանության գործակալության միջև սահմանների կառավարման ոլորտում օպերատիվ համագործակցության վերաբերյալ աշխատանքային պայմանավորվածությունը։
Հայաստանի կողմից փաստաթուղթը ստորագրել է ՀՀ արտաքին գործերի նախարարի տեղակալ Վահան Կոստանյանը, իսկ ԵՄ կողմից՝ Եվրոպական հանձնաժողովի ընդլայնման և Արևելյան հարևանության գլխավոր տնօրինության, Արևելյան հարևանության և Թուրքիայի հարցերով տնօրեն Ադրիեն Կիրալին։
Միաժամանակ, ՀՀ ներքին գործերի նախարար Արփինե Սարգսյանը և Եվրոպական սահմանային և առափնյա պահպանության գործակալության գործադիր տնօրեն Հանս Լեյտենսը նախաստորագրել են օպերատիվ համագործակցության վերաբերյալ աշխատանքային պայմանավորվածության փաստաթուղթը։
Միջոցառմանը ներկա են եղել ՀՀ վարչապետ Նիկոլ Փաշինյանը, Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լեյենը։
Մանրամասները՝ տեսանյութում։
