02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
ԵԽ-ն ընդունել է Հայաստանի ժողովրդավարական դիմակայունության աջակցության վերաբերյալ բանաձևը
Քաղաքականություն
30.04.2026 | 16:26
Եվրոպական խորհրդարանի պատգամավորները լիագումար նիստում քվեարկել և ընդունել են «Հայաստանում ժողովրդավարական դիմակայունության աջակցության վերաբերյալ» բանաձևը։ Այս մասին հայտնում է Եվրախորհրդարանի ֆրանսիացի պատգամավոր Նատալի Լուազոն։
«Եվրախորհրդարանը մեծամասնությամբ ընդունեց իմ հեղինակած բանաձևը, որն աջակցում է Հայաստանի ժողովրդավարությանը։ Իհարկե, թե՛ ծայրահեղ աջ, թե՛ ծայրահեղ ձախ թևերում, երբ խոսքը գնում է ժողովրդավարության մասին, ոչ ոք չի մնում»,- նշել է նա X-ում։
Բանաձևին կողմ է քվեարկել 476, դեմ՝ 47, ձեռնպահ՝ 48 պատգամավոր։
Բանաձևը վերահաստատում է ԵՄ աջակցությունը Հայաստանի ժողովրդավարական զարգացմանը, խաղաղության գործընթացին ու եվրոպական ինտեգրման ուղղությամբ իրականացվող բարեփոխումներին։
Թարգմանությունը՝ Էմմա Չոբանյանի
