17.08.2026 | 11:31
ՊԵԿ-ը բացահայտել է 3.4 մլրդ դրամի կեղծ հարկային հաշիվների շրջանառության սխեմա
Ով է Մուստաֆաևը և ինչով է հայտնի․ Ադրբեջանի փոխվարչապետը Երևանում է․ ՏԵՍԱՆՅՈՒԹ
Քաղաքականություն
29.04.2026 | 12:53
Ադրբեջանի փոխվարչապետ Շահին Մուստաֆաևը ժամանել է Երևան։ Առավոտյան համացանցում լուսանկարներ տարածվեցին, որում երևում է «Զվարթնոց»-ում վայրէջք կատարած պաշտոնական պատվիրակության ինքնաթիռը։
Տեղեկությունը առաջինը հայտնեցին ադրբեջանական լրատվամիջոցները, ավելի ուշ՝ ՀՀ ԱԳՆ-ն հաստատեց այցի մասին տեղեկությունը։ Որն է այցի օրակարգը, առայժմ տեղեկություններ չկան։
Մուստաֆաևը գլխավորում է Հայաստանի հետ սահմանազատման և սահմանային անվտանգության հարցերով Ադրբեջանի հանձնաժողովը: Հայկական կողմի հանձնաժողովը գլխավորում է փոխվարչապետ Մհեր Գրիգորյանը։
Իսկ ով է Շահին Մուսաֆաևը
Ադրբեջանցի բարձրաստիճան պաշտոնյան ծնվել է Նոյեմբերյանի շրջանի Ջուջևան գյուղում, ոսկե մեդալով ավարտել Նոյեմբերյանի թիվ 2 միջնակարգ դպրոցը: Հայկական դպրոցը հինգերով և ոսկե մեդալով ավարտած Մուստաֆաևի ուսուցիչները Սիվիլնեթին պատմել էին, թե ինչպիսի աշակերտ է եղել նա։
Մուստաֆաևը մինչ փոխվարչապետ նշանակվելը երկար տարիներ զբաղեցրել է Ադրբեջանի էկոնոմիկայի նախարարի պաշտոնը։ Աշխատել է նաև պետական նավթային ընկերությունում (SOCAR) որպես տնտեսական հարցերով փոխնախագահ։
Մուստաֆաևը համարվում է Իլհամ Ալիևի վստահելի անձանցից մեկը և ադրբեջանական վարչակազմի «տեխնոկրատ» թևի ներկայացուցիչ։
