02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
ԱՄՆ դեսպանությունը ողջունել է Կարս-Գյումրի երկաթգծի վերագործարկման ուղղությամբ Հայաստանի և Թուրքիայի քայլը
Քաղաքականություն
28.04.2026 | 17:08
ՀՀ-ում ԱՄՆ դեսպանությունը հայտարարել է, որ Կարսում հայ և թուրք պաշտոնյաների հանդիպումը և Կարս-Գյումրի երկաթգծի վերակառուցման հարցերով համատեղ աշխատանքային խմբի ձևավորումը կարևոր քայլ է տարածաշրջանային կապուղիների բացման և կայունության ամրապնդման ճանապարհին։ Դեսպանությունը նաև ողջունել է Հայաստանի և Թուրքիայի միջև երկար տարիներ փակված տնտեսական ու հասարակական կապերի վերաբացման ուղղությամբ ձեռնարկվող կոնկրետ քայլերը։
«Պատմական առաջընթաց` խաղաղ ու բարգավաճ Հարավային Կովկասի կերտման ճանապարհին։
Այսօր Կարսում տեղի ունեցավ հայ և թուրք պաշտոնյաների հանդիպումը՝ ձևավորելու Կարս-Գյումրի երկաթգծի վերակառուցման հարցերով համատեղ աշխատանքային խումբ։ Հայաստանի և Թուրքիայի միջև այս առանցքային օղակի վերականգնումը տարածաշրջանային կապուղիների բացման և տարածաշրջանային կայունության ապահովման կարևոր քայլ է։ Այսօրինակ շրջադարձային զարգացումների համար հիմքեր էին նախապատրաստվել օգոստոսի 8-ին նախագահ Թրամփի հյուրընկալած Վաշինգտոնի գագաթնաժողովում։
ՀՀ-ում ԱՄՆ դեսպանությունը ողջունում է Հայաստանի և Թուրքիայի միջև տասնամյակներ շարունակ փակված տնտեսական ու հասարակական կապերի վերաբացման ուղղությամբ այս կոնկրետ քայլերի ձեռնարկումը»,- ասված է ՀՀ-ում ԱՄՆ դեսպանության տարածած հաղորդագրությունում։
Այսօր ավելի վաղ հայտնել էինք, որ Կարսում տեղի է ունեցել Գյումրի-Կարս երկաթգծի վերականգնման և գործարկման հարցերով համատեղ աշխատանքային խմբի հանդիպումը։ Կողմերն ընդգծել են երկաթգծի շուտափույթ գործարկման կարևորությունը՝ տարածաշրջանային տրանսպորտային հաղորդակցությունների ընդլայնման համատեքստում։
