26.10.2026 | 21:12
Մակրոնը զգուշացնում է՝ Ֆրանսիայում շաբաթ օրը կայանալիք ցույցերը կարող են «վտանգավոր» դառնալ
ՊԵԿ նախագահը Մեծ Բրիտանիայի դեսպանի հետ քննարկել է ՊԵԿ-ի բարեփոխումներին ուղղված աջակցությունը
Հասարակություն
23.04.2026 | 22:00
Պետական եկամուտների կոմիտեի նախագահ Էդուարդ Հակոբյանը Հայաստանում Մեծ Բրիտանիայի դեսպան Ալեքսանդրա Քոուլի գլխավորած պատվիրակության հետ հանդիպմանը քննարկել է հարկային և մաքսային ոլորտներում իրականացվող բարեփոխումները, ինչպես նաև ՊԵԿ առաջնահերթությունների իրագործմանն ուղղված հնարավոր տեխնիկական աջակցության շրջանակները։
«ՊԵԿ նախագահ Էդուարդ Հակոբյանն իր երախտագիտությունն է հայտնել դեսպանին՝ կարևորելով հարկային և մաքսային ոլորտներում իրականացվող բարեփոխումների գործընթացում երկկողմ շարունակական համագործակցությունը։ ՊԵԿ նախագահն ընդգծել է, որ այդ համագործակցությունը նպաստում է համակարգերի արդիականացմանը, ինչպես նաև ավելի թափանցիկ և արդար հարկային ու մաքսային վարչարարության ապահովմանը։
Հանդիպման ընթացքում անդրադարձ է կատարվել «Մաքսային վարչարարության զարգացման երկրորդ» (CAD-2) ծրագրի շրջանակում իրականացվող մի շարք ուղղությունների, մասնավորապես, մաքսային ռազմավարության մշակման, վարքագծային վերլուծության, հետբացթողումային հսկողության ուժեղացման, կատարողականի գնահատման ցուցիչների ներդրման, ԱՏԳ մասնակիցների սպասարկման որակի բարելավման և մաքսային ծառայողների կարողությունների զարգացման ծրագրերին։
Քննարկվել են նաև Միացյալ Թագավորության կողմից ՊԵԿ առաջնահերթությունների իրագործմանն ուղղված հնարավոր տեխնիկական աջակցության շրջանակները, այդ թվում՝ ՊԵԿ բիզնես գործընթացների վերանայման, դրամական հոսքերի հետագծելիության ապահովման և կրիպտոարժույթների հարկման ոլորտներում»,- ասվում է հաղորդագրությունում։
