17.08.2026 | 14:58
«Պրեմիում» ապրանքանիշի մոխիտոյի արտադրությունը կասեցվել է․ նմուշը չի համապատասխանել նորմերին
Մալխաս Ամոյանը՝ Եվրոպայի 5-ակի չեմպիոն, Կարեն Ասլանյանը՝ բրոնզե մեդալակիր․ ՏԵՍԱՆՅՈՒԹ
21.04.2026 | 21:20
Փարիզ-2024 Օլիմպիական խաղերի բրոնզե մեդալակիր, աշխարհի կրկնակի չեմպիոն Մալխաս Ամոյանը (77 կգ) 5-րդ տարին անընդմեջ դարձավ Եվրոպայի չեմպիոն։
Ալբանիայի մայրաքաղաք Տիրանայում ընթացող հունահռոմեական ոճի ըմբշամարտի Եվրոպայի առաջնության եզրափակիչում Հայաստանի ներկայացուցիչը 1։1 հաշվով ուժեղ գտնվեց վրացի Ռամազ Զոիձեց, որին անցյալ տարի ևս հաղթել էր ԵԱ-ի եզրափակիչում։
27-ամյա Ամոյանը տիտղոսի պաշտպանությունը սկսել էր շվեդ Կառլ Բաֆի հետ գոտեմարտով ու հաղթել 4։0 հաշվով, քառորդ եզրափակիչում ժամանակից շուտ պարտության էր մատնել Ուկրաինան ներկայացնող Իրֆան Միրզոևին (10։0), իսկ կիսաեզրափակիչում 3։1 հաշվով ուժեղ էր գտնվել մոլդովացի Ալեքսանդրին Գուտուից։
Հայաստանի մեկ այլ ներկայացուցիչ Կարեն Ասլանյանը (63 կգ) չորրորդ բրոնզե մեդալը նվաճեց Եվրոպայի առաջնությունում։ Ասլանյանը բրոնզե մեդալը վիճարկեց Լեհաստանը ներկայացնող Մաիրբեկ Սալիմովի հետ ու հաղթեց ժամանակից շուտ՝ 11։0։
Մանվել Խաչատրյանը (55 կգ) բրոնզե մեդալի համար գոտեմարտում 1։3 հաշվով պարտվեց բուլղարացի Ստեֆան Գրիգորովին։
Հիշեցնենք, որ ապրիլի 21-ին եզրափակիչի ուղեգիր է նվաճել Սուրեն Աղաջանյանը (60 կգ), իսկ Գասպար Տերտերյանը (72 կգ) կիսաեզրափակիչում 1։6 հաշվով պարտվել է աշխարհի ու Եվրոպայի չեմպիոն, Ֆրանսիան ներկայացնող Իբրահիմ Ղանեմին ու կանցկացնի բրոնզե մեդալի համար գոտեմարտ։
Սլավիկ Գալստյանը (67 կգ) և Հայկ Խլոյանը (97 կգ) հնարավորություն են ստացել պայքարել բրոնզե մեդալի համար և կանցկացնեն սփոփիչ գոտեմարտեր։
