28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
ԵԱ․ Սուրեն Աղաջանյանը տուշեով հաղթեց ադրբեջանցի ըմբիշին ու դուրս եկավ եզրափակիչ
21.04.2026 | 18:59
Հայաստանի ներկայացուցիչ Սուրեն Աղաջանյանը (60 կգ) վստահ հաղթանակով դուրս եկավ Ալբանիայի մայրաքաղաք Տիրանայում ընթացող հունահռոմեական ոճի ըմբշամարտի Եվրոպայի առաջնության եզրափակիչ։
Կիսաեզրափակիչում հայ ըմբիշը մրցեց աշխարհի ու Եվրոպայի չեմպիոն, ադրբեջանցի Նիհատ Մամեդլիի հետ ու երկրորդ մրցափուլում հաղթեց տուշեով։ Գոտեմարտի դադարեցման պահին Աղաջանյանը հաղթում էր 8։1 հաշվով։
Ապրիլի 22-ին կայանալիք եզրափակիչում Սուրեն Աղաջանյանի մրցակիցը կլինի Սերբիան ներկայացնող Գեորգի Տիբիլովը։
Հայաստանի ներկայացուցիչը պայքարը սկսել էր որակավորման փուլից, որտեղ տուշեով հաղթել էր իտալացի Թոմասո Բոսիին, իսկ քառորդ եզրափակիչում 1 րոպեում 8։0 հաշվով ուժեղ էր գտնվել ռուսաստանցի Սուներ Կոնունովից։
Քիչ անց եզրափակիչի ուղեգրի համար կպայքարի նաև Գասպար Տերտերյանը (72 կգ), որը կիսաեզրափակիչում կմրցի Ֆրանսիան ներկայացնող Իբրահիմ Ղանեմի հետ։
Ապրիլի 21-ին Հայաստանի երեք ներկայացուցիչ գոտեմարտելու է մեդալի համար։ Փարիզ-2024 Օլիմպիական խաղերի բրոնզե մեդալակիր, աշխարհի կրկնակի ու Եվրոպայի քառակի չեմպիոն Մալխաս Ամոյանը (77 կգ) եզրափակիչում մրցելու է վրացի Ռամազ Զոիձեի հետ, իսկ Մանվել Խաչատրյանը (55 կգ) և Կարեն Ասլանյանը (63 կգ) կանցկացնեն բրոնզե մեդալի համար գոտեմարտ։
