20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Ալեքսանդրա Գրիգորյանը՝ ծանրամարտի Եվրոպայի կրկնակի փոխչեմպիոն
20.04.2026 | 19:55
Հայաստանի ներկայացուցիչ Ալեքսանդրա Գրիգորյանը (58 կգ) երկրորդ տարին անընդմեջ դարձավ ծանրամարտի Եվրոպայի փոխչեմպիոն։
Վրաստանի Բաթումի քաղաքում անցկացվող ծանրամարտի Եվրոպայի առաջնությունում 20-ամյա Գրիգորյանը երկրորդ տեղը գրավեց երկամարտի 210 կգ (91+119) արդյունքով։ Եվրոպայի չեմպիոնի տիտղոսը նվաճեց ուկրաինացի Կամիլա Կոնոտոպը, որը երկամարտում գրանցեց 221 կգ (100+121) արդյունք։
2024թ․ Եվրոպայի չեմպիոն Ալեքսանդրա Գրիգորյանը պոկում վարժությունից հետո չորրորդն էր, իսկ հրում վարժությունում արժանացավ փոքր բրոնզե մեդալի։
Սա երկամարտում Հայաստանի երկրորդ արծաթե մեդալն էր 2026թ․ Եվրոպայի առաջնությունում։ Ապրիլի 20-ին Եվրոպայի փոխչեմպիոն էր դարձել նաև Գառնիկ Չոլաքյանը (60 կգ)։
Հայաստանի ներկայացուցիչներից հաջորդը մրցահարթակ դուրս կգա Գոռ Սահակյանը (71 կգ), որը պայքարի մեջ կմտնի ապրիլի 21-ին՝ Երևանի ժամանակով 19։00-ից սկսած։
