Աջափնյակի մետրոն հայկական ընկերություն պետք է կառուցի, մի կայարանով չենք սահմանափակվելու․ Ավինյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Երևանի մետրոպոլիտենի «Աջափնյակ» կայարանի շինարարությունը պետք է մեկնարկի հաջորդ տարի, և այն պարտադիր պետք է իրականացնի հայկական ընկերություն (այդ թվում՝ կոնսորցիումով)՝ շինարարական գիտելիքն ու ներուժը Հայաստանում պահպանելու համար: Այս մասին Երևանի քաղաքապետարանի գործակարգավարական նիստում հայտարարեց քաղաքապետ Տիգրան Ավինյանը:

Հոկտեմբերի 12-ին անցկացվել են ապագա կայարանի տարածքում հանրային գերակա շահ ճանաչելու ենթակա հողերի օտարման հանրային լսումները: Այս շաբաթ համապատասխան փաթեթը կուղարկվի Կառավարություն, և քաղաքապետն ակնկալում է, որ մոտ մեկ ամսվա ընթացքում գործադիրը կընդունի տարածքները գերակա շահ ճանաչելու որոշումը: Զուգահեռաբար բանակցություններ են ընթանում միջազգային ֆինանսական կառույցների հետ, ինչպես նաև նախապատրաստվում են FIDIC ստանդարտներով միջազգային մրցութային փաթեթները:

Քաղաքապետ Տիգրան Ավինյանը հստակ պահանջ դրեց պատասխանատուների առջև՝ ընդգծելով, որ միջազգային ընթացակարգերը չպետք է ձգձգեն բուն շինարարության մեկնարկը։
«Մենք հաջորդ տարի, կապ չունի արդեն որ գործընկերոջ հետ, բոլոր դեպքերում պետք է սկսենք շինարարությունը: Ինձ ոչ այնքան գործընկերն է հետաքրքրում, որքան բուն իրականացումը: Եվ երկրորդ կարևոր պայմանը՝ սա պետք է իրականացնի հայկական ընկերություն: Դա ուղղակի չի լինելու այնպես, որ միջազգային ընկերությունը եկավ, կառուցեց ու գնաց: Այդ տրամաբանությունը խնդրում եմ մոռանալ, որովհետև մենք այդ մի կայարանով չենք սահմանափակվելու»,- շեշտեց քաղաքապետը:

Ավինյանի խոսքով՝ Հայաստանը պետք է վերականգնի մետրո կառուցելու կորսված կարողությունները, իսկ հայ մասնագետները պետք է դառնան այս գործընթացի անկյունաքարը։

«Ուզում ենք ունենալ մասնագետներ, ովքեր հասկանում են՝ ինչպես մետրո կառուցել, որպեսզի այդ կարողությունն այստեղ զարգանա հետագա կայարանների համար: Եթե միջազգային գործընկերների ներքին կանոններն այս մոտեցմանը չհամապատասխանեն, ապա մենք ինքնուրույն մրցույթով կգնանք առաջ: Հաջորդ տարի սկսում ենք շինարարությունը, անելու է հայկական ընկերություն, և այդ գիտելիքը մնալու է Հայաստանում»,- պնդեց Տիգրան Ավինյանը:

Հիշեցնենք, որ Նիկոլ Փաշինյանը ավելի վաղ հայտնել էր, որ ՌԴ-ի հետ քննարկում է մետրոյի «Աջափնյակ» կայարանի կառուցմանը այդ երկրի մասնակցության հարցը։ Փաշինյանը շեշտել էր, որ Ռուսաստանն այս հարցում մեծ փորձ ունի։

Մանրամասները՝ տեսանյութում։

Անի Թամրազյան