17.08.2026 | 15:55
Շիրակի մարզի 6 քարհանքից գողություններ կատարելու կասկածանքով երկու տղամարդ է ձերբակալվել
Ծանրորդ Գառնիկ Չոլաքյանը՝ Եվրոպայի փոխչեմպիոն
20.04.2026 | 13:55
Վրաստանի Բաթումի քաղաքում մեկնարկած ծանրամարտի Եվրոպայի առաջնությունում Հայաստանի առաջին մեդալը նվաճեց Գառնիկ Չոլաքյանը (60 կգ)։
Երկամարտում հայ ծանրորդը գրանցեց 274 կգ (124+150) արդյունք ու դարձավ արծաթե մեդալակիր։ Չոլաքյանն ընդամենը 1 կգ զիջեց Եվրոպայի չեմպիոնի տիտղոսը նվաճած բուլղարացի Անգել Ռուսևին (120+155)։
Պոկում վարժությունում Գառնիկ Չոլաքյանը նվաճեց փոքր արծաթե մեդալ, իսկ հրում վարժությունում երրորդն էր։
Ապրիլի 20-ին Հայաստանի ներկայացուցիչներից պայքարի մեջ կմտնի նաև Ալեքսանդրա Գրիգորյանը (58 կգ): Կանանց 58 կգ քաշային կարգի մրցումը կմեկնարկի Երևանի ժամանակով 18:00-ին:
Ապրիլի 19-ին հայ ծանրորդներից առաջինը պայքարը սկսել էին 53 կգ քաշայիններ Տանզելա Գրիգորյանը և Եվրոպայի առաջնության բրոնզե մեդալակիր Իզաբելլա Յայլյանը։ Գրիգորյանը գրավել էր 6-րդ տեղը, իսկ Յայլյանը՝ 9-րդ։
Հայաստանի հավաքականը Եվրոպայի առաջնությունը մասնակցում է 16 ծանրորդով՝ 8-ական տղամարդկանց ու կանանց պայքարում։
