04.06.2026 | 13:34
Ռուսական զորքերը հարվածել են Խերսոնին, Բորիսպոլին և Պավլոգրադին․ տուժածներ կան
Իմ ելույթի պահին 2 եվրոյով եղել է տոմս, գները լողացող են․ Փաշինյանը՝ Գյումրի-Լառնակա տոմսերի մասին․ ՏԵՍԱՆՅՈՒԹ
Տնտեսություն
18.04.2026 | 12:46
«ԱԺ-ում իմ ելույթի պահին, ապրիլի 19-ի համար 2 եվրոյով եղել է տոմս, գիտեք, որ գները լողացող են»,- այս մասին ճեպազրույցի ժամանակ ասաց վարչապետ Նիկոլ Փաշինյանը՝ անդրադառնալով Գյումրի-Լառնակա ավիատոմսերի գնին:
Երկու օր առաջ նա ԱԺ-ում պատգամավորների հարցերին պատասխանելիս Նիկոլ Փաշինյանը պնդել էր, որ Գյումրի-Լառնակա ավիատոմսերի գներով պայմանավորված Կառավարության բարձրացրած թոշակով թոշակառուն կարող է 5 հատ «տուդա-աբռատնը» տոմս գնել։
Factor.am-ը պարզել էր, որ վարչապետի պնդումը չափազանցեցված է և Փաշինյանի հաշվարկը շեղվում է իրականությունից և գերագնահատում է թոշակառուների հնարավորությունը։
«Ո՞վ ասաց, որ մարդը թոշակի տարիքում պետք է գամված լինի իր տանը։ Մեր նպատակն է, որ թոշակների բարձրացման և մատչելի ավիացիայի շնորհիվ մեր թոշակառուները նախ շատ շրջագայեն Հայաստանում, ապա նաև՝ արտերկրում։ Դա բարեկեցիկ կյանքի կարևոր մասն է»,- ասաց Նիկոլ Փաշինյանը։
Մանրամասները՝ տեսանյութում։
