30.09.2026 | 22:20
ԵՄ ընդլայնման նոր ռազմավարություն է մշակվել․ մուտք դեպի Միասնական շուկա՝ մինչև լիարժեք անդամակցությունը
Երևանից ԱՄԷ չվերթներ են չեղարկվել․ Մերձավոր Արևելքի 6 երկրների օդային տարածքը փակ է
Քաղաքականություն
28.02.2026 | 17:14
Այսօր Երևանից ԱՄԷ ուղղությամբ երկու չվերթ է չեղարկվել։ «Զվարթնոց» օդանավակայանի կայքից տեղեկանում ենք, որ չեն կայացել Դուբայ ուղղությամբ ժամը 13:25-ին նախատեսված Fly Dubai FZ 8124 և Աբու Դաբի ուղղությամբ ժամը 13։45 -ին նախատեսված Air Arabia 3L 442 չվերթները։
Այս պահին փակ է Մերձավոր Արևելքի 6 երկրների օդային տաարածքը՝ ԱՄԷ, Իրան, Իրաք, Քուվեյթ, Բահրեյն, Կատար։ Պատճառը այսօր առավոտյան Իսրայելի և ԱՄՆ-ի կողմից Իրանին հարվածներն են, որոնց Թեհրանն իր հերթին պատասխանում է տարածաշրջանում ամերիկյան բազաները թիրախավորելով։
Հիշեցնենք, որ այսօր՝ փետրվարի 28-ի առավոտյան, ԱՄՆ-ը և Իսրայելը հարվածներ են հասցրել Իրանի ուղղությամբ։ Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։
