01.07.2026 | 20:38
Ադրբեջանի և Հայաստանի հարաբերությունների կարգավորման գործընթացը հաջողությամբ շարունակվում է․ Ալիևը՝ ԵՀ նախագահին
Բակո Սահակյանը վերընտրվեց Արցախի նախագահ
19.07.2017 | 15:32
Արցախի նոր նախագահի անունը հայտնի է. այսօր կայացած փակ քվեարկության արդյունքում գործող նախագահ Բակո Սահակյանը վերընտրվել է` 28 կողմ ձայներով: Նրա մրցակցի` ընդդիմադիր Էդուարդ Աղաբեկյանի օգտին քվեարկել է 4 պատգամավոր։
Արցախի ԱԺ պատգամավորների թիվը 33-ն է, նիստին ներկա է եղել 32-ը։ Փակ-գաղտնի քվեարկությունից հետո Բակո Սահակյանը շնորհակալություն է հայտնել պատգամավորներին։
Նկատենք, որ Արցախի խորհրդարանում միայն երկու ընդդիմադիր խմբակցություն կա՝ «Վերածնունդ» և «Շարժում-88», վերջիններիս պատգամավորների թիվն էլ չորսն է։ Երկրի կառավարման մոդելի փոփոխությամբ պայմանավորված՝ անցումային շրջանի նախագահը ընտրվում է խորհրդարանի ձայների մեծամասնությամբ, իսկ 2020 թվականին կլինեն և՛ խորհրդարանական, և՛ նախագահական նոր ընտրություններ։
Սեդա Ղուկասյան
