25.11.2024 | 11:40
ՌԴ-ն ակնկալում է հասնել Հայաստանի հետ ապրանքաշրջանառության ռեկորդային ցուցանիշի՝ 14-16 միլիարդ դոլարի․ Սերգեյ Կոպիրկին
Երևանի քաղաքապետարանը՝ Ֆիրդուսի շուկայի ապամոնտաժման աշխատանքների մասին
19.07.2017 | 12:02
Ինչպես արդեն Factor.am-ը տեղեկացրել է, Երևանի քաղաքապետարանն այսօր վաղ առավոտյան` ժամը 06.00-ից փորձել է սկսել Ֆիրդուսի շուկայի տաղավարների ապամոնտաժման աշխատանքները, սակայն հանդիպելով հարակից շենքերի բնակիչների և շուկայի առևտրականների դիմադրությանը` առայժմ աշխատանքները դադարեցվել են:
Երևանի քաղաքապետարանի լրատվության և հասարակայնության հետ կապերի վարչության պետ Արթուր Գևորգյանը մեզ հետ զրույցում հայտարարեց, որ այդ գործընթացում քաղաքապետարանի դերակատարումը եղել է միայն այն, որ հետևի աշխատանքների կատարմանը:
«Բոլորդ գիտեք, որ կառավարության որոշմամբ տվյալ տարածքը ճանաչվել է հանրային գերակա շահ և հիմա այդ տեղում ներդրումային ծրագիր իրականացնողը ապամոնտաժման աշխատանքներ է սկսում, որ շինհրապարակ լինի։ Երևանի քաղաքապետարանն էլ իր լիազորությունների շրջանակում ապահովում է»,- ասաց նա։
Ըստ Արթուր Գևորգյանի՝ Երևանի քաղաքապետարանը բազմիցս հայտարարել է, որ առևտրականների հետագա գործունեությունը շարունակելու նպատակով տարբեր տոնավաճառների տնօրենների հետ պայմանավորվածություն են ձեռք բերել վերջիններիս ավելի լավ պայմանններով տեղափոխելու համար:
«Մեր դերակատարությունն այդ է, իսկ քանդման աշխատանքերը, շինհրապարակի նախապատրաստական աշխատանքներ իրականացնելը տվյալ գոտու ներդրումային ծրագիր իրականացնողինն է։ Սեփականատերերի հետ աշխատանքը մեր լիազորությունների շրջանակը չէ»,-ասաց նա։
Գևորգյանը շեշտեց, որ օրենքով սահմանված կարգով պետք է իրականացնեն այդ աշխատանքների ապահովումը: «Եթե այդ աշխատանքների ժամանակ, Աստված չանի, ինչ-որ մեկին վնաս լինի, կանգելո՞ւ եք, չէ, մեզ ասեք բա ինչո՞ւ չապահովեցիք այդ մարդկանց անվանգությունը»,- ընդգծեց Գեւորգյանը։
Սեդա Ղուկասյան
