20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Կրեմլը ռուսական կործանիչների կողմից Էստոնիայի օդային տարածքը խախտելու մեղադրանքները «դատարկ և անհիմն» է անվանել
Քաղաքականություն
22.09.2025 | 17:08
Կրեմլի խոսնակ Դմիտրի Պեսկովը, հետևելով ՌԴ Պաշտպանության նախարարության օրինակին, հերքել է մեղադրանքները, որ ռուսական կործանիչները խախտել են Էստոնիայի օդային տարածքը, գրում է BBC-ի ռուսական ծառայությունը։
«Մենք նման խոսքերը համարում ենք դատարկ, անհիմն ու լարվածությունը սրելու և բախման մթնոլորտ հրահրելու գծին համարժեք»,- նրա խոսքերն է մեջբերում ՌԻԱ Նովոստին։
Ռուսաստանի Պաշտպանության նախարարությունն էլ սեպտեմբերի 20-ի լույս գիշերը հայտարարել էր, որ ռուսական ՄիԳ-31 կործանիչները Կարելիայից Կալինինգրադի մարզ կանոնավոր թռիչք են իրականացրել և չեն խախտել Էստոնիայի օդային տարածքը։
Էստոնիայի իշխանությունները սեպտեմբերի 19-ին հայտարարել էին, որ ռուսական երեք ՄիԳ-31-ներ Էստոնիայի օդային տարածքում են գտնվել 12 րոպե՝ նախքան իտալական F-35-ները կուղարկվեին դրանք որսալու համար։ Տալլինը խնդրել է կիրառել Հյուսիսատլանտյան պայմանագրի 4-րդ հոդվածը, որը թույլ է տալիս դաշինքի անդամներին հարցերը ներկայացնել Հյուսիսատլանտյան խորհրդի՝ ՆԱՏՕ-ի գլխավոր քաղաքական մարմնի ուշադրությանը։
Թարգմանությունը՝ Էմմա Չոբանյանի
