03.10.2026 | 22:08
Հայաստանի հավաքականը ժամանել է Պոդգորիցա
Էստոնիան հայտնել է, որ ռուսական երեք կործանիչներ խախտել են երկրի օդային տարածքը
Քաղաքականություն
19.09.2025 | 19:38
Ռուսական երեք ՄիԳ-31 կործանիչներ Ֆիննական ծոցի Վայնդլո կղզու մոտ շուրջ 12 րոպեով մտել են Էստոնիայի օդային տարածք։ Այս մասին հաղորդում է ERR-ը, փոխանցում է BBC-ի ռուսական ծառայությունը։
Կործանիչները թռիչքի պլան չեն ունեցել, դրանց տրանսպոնդերներն անջատված են եղել։ Նրանք նաև երկկողմանի կապ չեն ունեցել Էստոնիայի ավիակարգավարների հետ։
Էստոնիայի արտաքին գործերի նախարարությունը կանչել է ՌԴ գործերի ժամանակավոր հավատարմատարին՝ բողոք ներկայացնելու և նոտա հանձնելու համար։
«Ռուսաստանն այս տարի չորս անգամ խախտել է Էստոնիայի օդային տարածքը, ինչն ինքնին անընդունելի է, բայց այսօրվա խախտումը, որի ժամանակ երեք կործանիչ մտել է մեր օդային տարածք, աննախադեպ դաժան է»,- ասել է արտաքին գործերի նախարար Մարկուս Ցախկնան։
Politico-ն էլ, հղում անելով աղբյուրներին, հաղորդում է, որ ՆԱՏՕ-ն օդ է բարձրացրել իտալական F-35 կործանիչները՝ ի պատասխան օդային տարածքի խախտման։
Թարգմանությունը՝ Էմմա Չոբանյանի
