04.08.2026 | 17:41
Զելենսկին հայտարարել է Ադրբեջանի ինքնիշխանությանն աջակցելու, Հայաստանի հետ հարաբերությունները վերականգնելու մասին
ԿԽՄԿ-ն սեպտեմբերի 3-ին կփակի իր ներկայացուցչությունն Ադրբեջանում
Քաղաքականություն
02.09.2025 | 13:59
Ադրբեջանի կառավարության որոշմամբ՝ Կարմիր Խաչի միջազգային կոմիտեն (ԿԽՄԿ) 2025 թվականի սեպտեմբերի 3-ին կփակի իր ներկայացուցչությունը երկրում։ Այս մասին հայտնել է ԿԽՄԿ-ն՝ ի պատասխան ադրբեջանական լրատվամիջոցների հարցման։
Նշվում է, որ Կարմիր Խաչը, համաձայն իր մանդատի և Ժնևի կոնվենցիաներով ստանձնած Ադրբեջանի պարտավորությունների, կշարունակի համագործակցել երկրի իշխանությունների հետ՝ միջազգային մարդասիրական իրավունքով պաշտպանված անձանց աջակցություն ցուցաբերելու համար։
«Մենք մտադիր ենք շարունակել երկխոսությունը մարդասիրական դիվանագիտության և փոխադարձ հետաքրքրություն ներկայացնող այլ հումանիտար հարցերի շուրջ»,- ասվում է հայտարարության մեջ։
ԿԽՄԿ Ադրբեջանի գրասենյակի ղեկավար Դրագանա Կոիչն օգոստոսի 1-ին Ադրբեջանի ԱԳ նախարար Ջեյհուն Բայրամովի հետ հանդիպման ժամանակ հայտարարել էր, որ կազմակերպության ադրբեջանական գրասենյակը սեպտեմբերի սկզբին կդադարեցնի գործունեությունը։
Հավելենք, որ Կարմիր Խաչը միակ միջազգային կառույցն է, որի աշխատակիցներն արցելում էին Ադրբեջանում ապօրինի պահվող հայ գերիներին։
Թարգմանությունը՝ Էմմա Չոբանյանի
