20.08.2026 | 16:50
Վստահություն չի ներշնչել պատասխանները. Վոլոդյա Հակոբյանը` ընդդիմադիրներին չընտրելու մասին․ ՏԵՍԱՆՅՈՒԹ
Որդուս տարել եմ հիվանդանոց ասել են՝ պետպատվեր չկա․ պատգամավորը՝ փոխնախարարին․ ՏԵՍԱՆՅՈՒԹ
01.09.2025 | 13:07
«5 տարեկան որդիս անհետաձգելի վիրահատության կարիք ուներ, հիվանդանոցում մեզ ասացին, որ պետպատվեր չկա, պետք է հերթագրել ու մեկ ամիս սպասել։ Ես վճարեցի վիրահատության գումարը»,- ԱԺ ֆինանսավարկային և բյուջետային հարցերի մշտական հանձնաժողովի նիստում դիմելով առողջապահության փոխնախարար Լենա Նանուշյանին՝ այս մասին ասաց ՔՊ-ական պատգամավոր Էդգար Հակոբյանը։
Իշխանական պատգամավորը նշեց, որ հիվանդանոցներում պետպատվեր չկա, և այդ հարցը պետք է ուշադրության կենտրոնում պահել, քանի որ հատկապես սոցիալական խնդիրներ ունեցող քաղաքացիները բախվում են լուրջ խնդրի։
Փոխնախարարն էլ արձագանքեց, որ իր ունեցած տվյալներով՝ բժշկական կենտրոններում պետպատվերի խնդիր չկա։ Պատգամավորները հակադարձեցին՝ հայտարարելով, որ հնարավոր է՝ փոխնախարարին սխալ են զեկուցել իրավիճակը։
Նշենք, որ հանձնաժողովի նիստում քննարկվում է Ասիական զարգացման բանկի հետ «Առողջապահության որակի բարելավման ծրագրի» շրջանակում վարկային պայմանագիր կնքելու վերաբերյալ նախագիծը, որով ՀՀ-ն 45,3 մլն եվրոյի վարկ կստանա բժշկական ծառայությունների բարելավման համար։
Մանրամասները՝ տեսանյութում։
Մանյա Պողոսյան
