05.10.2026 | 21:14
Վարչապետը հյուրընկալել է մի խումբ ուսուցիչների և շնորհավորել մասնագիտական օրվա առթիվ
Բուհերում թափուր տեղերը 5 անգամ պակաս են նախորդ տարվա համեմատ. Անդրեասյան․ ՏԵՍԱՆՅՈՒԹ
Հասարակություն
27.08.2025 | 13:45
Բուհերում 2025-2026 ուսումնական տարվա ընդունելության արդյունքներով թափուր տեղերի թիվը 5 անգամ կրճատվել է՝ նախորդ տարվա համեմատ։ Այս մասին այսօր հրավիրված մամուլի ասուլիսում հայտնեց ԿԳՄՍ նախարար Ժաննա Անդրեասյանը։
Նրա փոխանցմամբ՝ եթե 2024 թվականին թափուր էր մնացել 6174 տեղ, ապա այս տարվա արդյունքներով՝ թափուր մնացած տեղերը 1174-ն են, անվճար կամ պետության փոխհատուցմամբ թափուր տեղերի թիվը կազմել է 219։
Նախարարը նաև հայտնեց, որ միջին մասնագիտական կրթական ծրագրերի գերակա մասնագիտություններով ընդունվողների թիվն այս ուսումնական տարում գրեթե կրկնապատկվել է։
«Ընթացիկ տարում միջին մասնագիտական կրթական ծրագրերի գերակա համարվող 15 մասնագիտություններով միայն առաջին փուլի արդյունքում արդեն իսկ համապատասխան ուսումնական հաստատություններ է ընդունվել 825 դիմորդ՝ անցած տարվա ընդհանուր երկու փուլերի 717-ի փոխարեն։ Այսինքն՝ կարող ենք ասել, որ դիմորդների թիվը գրեթե կրկնապատկվում է, և սա այն դեպքում, երբ լրացուցիչ փուլը դեռևս ամփոփված չէ։ Սա նշանակում է, որ, օրինակ, միջին մասնագիտական կրթական ծրագրերով պետության քաղաքականությունն այս ուղղություններով կրթաթոշակի տրամադրմամբ իսկապես ունեցել է արձագանք, և դիմորդները դիմում ու սովորում են այս ուղղություններով»,- նշեց Անդրեասյանը։
Մանրամասները՝ տեսանյութում։
Մանյա Պողոսյան
