23.05.2026 | 12:34
Մարմարիկի ճանապարհին «Mercedes-Benz»-ը մոտ 15 մ գլորվել է ձորակը և բռնկվել․ 3 տուժած հոսպիտալացվել է
Մարկո Ռուբիոն ու Սերգեյ Լավրովն այսօր կհանդիպեն
Քաղաքականություն
10.07.2025 | 11:19
ԱՄՆ պետքարտուղար Մարկո Ռուբիոն հուլիսի 10-ին Մալայզիայում կայանալիք Հարավարևելյան Ասիայի պետությունների ասոցիացիայի (ԱՍԵԱՆ) միջոցառումների շրջանակում կհանդիպի Ռուսաստանի արտգործնախարար Սերգեյ Լավրովի հետ։ Այս մասին հաղորդում են Reuters-ը և AFP-ն՝ հղում անելով Պետքարտուղարության բարձրաստիճան պաշտոնյային։
Ռուսաստանի ԱԳՆ պաշտոնական ներկայացուցիչ Մարիա Զախարովան ՌԲԿ-ին հաստատել է այս տեղեկությունը։
«Նման հանդիպումը մշակվում է»,- ասել է նա։
Պետքարտուղարության կայքում հրապարակված Ռուբիոյի աշխատանքային ժամանակացույցի համաձայն՝ հուլիսի 10-ին Լավրովի հետ նրա հանդիպումը նախատեսված է տեղական ժամանակով 18:00-ին (Մոսկվայի ժամանակով՝ 13:00-ին)։
Ռուբիոն և Լավրովն ավելի վաղ մի քանի անգամ հեռախոսազրույց են ունեցել։ Նրանց առաջին անձնական հանդիպումը տեղի է ունեցել փետրվարին Ռիադում կայացած ռուս-ամերիկյան բանակցությունների ժամանակ։
Ռուսաստանի փոխարտգործնախարար Սերգեյ Ռյաբկովը հունիսին հայտարարել էր, որ Լավրովը և Ռուբիոն մշտական կապի մեջ են։ Հուլիսի 4-ին ռուս նախարարն իր ամերիկացի գործընկերոջը շնորհավորական հեռագիր էր ուղարկել ԱՄՆ Անկախության օրվա կապակցությամբ։ Նա հույս է հայտնել, որ երկրների միջև հարաբերությունները «կստանան կայունություն և կանխատեսելիություն», բայց ընդգծել «գետնի վրա իրականությունը» հաշվի առնելու անհրաժեշտությունը։
Հիշեցնենք, որ վերջին օրերին ԱՄՆ նախագահ Դոնալդ Թրամփը հաճախ է քննադատում ՌԴ իշխանություններին։ Նա, մասնավորապես, ասել է, որ դժգոհ է ՌԴ նախագահ Վլադիմիր Պուտինից և քննարկում է Ռուսաստանի դեմ լրացուցիչ պատժամիջոցների հարցը։
Թարգմանությունը՝ Էմմա Չոբանյանի
