08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Զելենսկին և Թրամփը հեռախոսազրույց կունենան․ քննարկվելու է Ուկրաինային զենքի մատակարարման դադարեցման հարցը
Քաղաքականություն
03.07.2025 | 18:15
ԱՄՆ նախագահ Դոնալդ Թրամփը և Ուկրաինայի նախագահ Վլադիմիր Զելենսկին հեռախոսազրույցի կունենան, որի ընթացքում կքննարկեն Ուկրաինային ամերիկյան զենքի մատակարարման դադարեցման հարցը։ Այս մասին գրում է Financial Times-ը՝ հղում անելով անանուն աղբյուրներին, փոխանցում է BBC-ի ռուսական ծառայությունը։
Զրույցը նախատեսված է ուրբաթ՝ հուլիսի 4-ին, սակայն ամսաթիվը և ժամը կարող են փոխվել, ասել են լրատվամիջոցի աղբյուրները։
FT-ի տվյալներով՝ Զելենսկին նաև կբարձրացնի ապագայում զենքի հնարավոր գնման հարցը։
Սպիտակ տունը և Ուկրաինայի նախագահի գրասենյակը չեն պատասխանել նախատեսված զրույցի վերաբերյալ լրատվամիջոցի հարցերին։
Հավելենք, որ մատակարարումների, այդ թվում՝ հակաօդային պաշտպանության համակարգերի համար նախատեսված հրթիռների փոխանցման դադարեցման մասին հայտնի է դարձել հուլիսի 2-ին։ Որպես դադարեցման պատճառ՝ Պենտագոնը նշում է Իրանին հարվածելուց հետո ԱՄՆ-ի սեփական կարիքների համար բավարար զինամթերքի ապահովման անհրաժեշտությունը։
Թարգմանությունը՝ Էմմա Չոբանյանի
