15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Վնասն ահռելի է, բայց դեռ չեն հաշվել․ Ապարանը՝ ավերիչ տորնադոյից 1 օր անց. ՏԵՍԱՆՅՈՒԹ
Տնտեսություն
16.06.2025 | 19:29
Ապարանի ավերիչ պտտահողմից հետո այսօր քաղաքում վնասների գնահատման և վերականգնման աշխատանքներ էին տարվում։ Factor TV-ն շրջել է քաղաքում և արձանագրել, որ բազմաթիվ բնակիչների տներում կոտրվել են պատուհանները, վնասվել են պատերն ու արտաքին հարդարանքը: Տուժել են նաև հանրային նշանակության շենքեր, դպրոցներ, հանրային սննդի կետեր, պոկվել են ծառեր և սյուներ։
Քաղաքում այսօր գազը վերականգնվել է, սակայն դեռ էլեկտրականություն չկա։ Ապարանում պտտահողմի հետևանքով 5 անձ մարմնական վնասվածքներ է ստացել, նրանցից մեկն անչափահաս է։
Ներքին գործերի նախարարությունից հայտնել են, որ հունիսի 16-ի ժամը 09։00-ի դրությամբ՝ Ապարանում վնասվել է 20 բազմաբնակարան շենքի, 86 առանձնատան, 3 դպրոցի, 1 մշակույթի տան, իրավապահ կառույցների 2 տարածքային ստորաբաժանման ու 24 կազմակերպության վարչական շենքերի տանիքներ։ Բացի այդ, վնասվել է 70 էլեկտրասյուն, 30 տրանսպորտային միջոց, 2 խաղահրապարակ։ Տապալվել է 100-ից ավելի ծառ:
Մանրամասները՝ տեսանյութում։
Անի Թամրազյան
