27.06.2026 | 18:14
ՍԴ-ն պետք է գնահատի ոչ թե խախտումների առկայությունը, այլ արդյոք դրանք կարող էին ազդել արդյունքի վրա․ Գալյան․ ՏԵՍԱՆՅՈւԹ
«Եվրատեսիլ»-ին լուրջ չեմ վերաբերվում, բայց դա Հայաստանը ներկայացնելու գրեթե միակ հարթակն է. ապաքաղաքական զրույց Վան Եղիազարյանի հետ. ՏԵՍԱՆՅՈՒԹ
Հաղորդաշարեր
15.06.2025 | 21:00
Factor TV-ի A-politic հաղորդաշարի հյուրն է հայկական «Նեմրա» ալտերնատիվ ռոք խմբի մենակատար, կիթառահար և երգահան Վան Եղիազարյանը (Նեմրա Վանը)։ Խմբի անվանման մեջ «ալտերնատիվ» բնորոշումը նա բացատրում է նրանով, որ դա հնարավորություն է տալիս չսահմանափակվել ռոքի որևէ ժանրով կամ ուղղությամբ, այլ պարզապես ստեղծել երաժշտություն, որն այս պահին խմբի համար հետաքրքիր է և հոգեհարազատ:
Արդյո՞ք Վան Եղիազարյանը լուրջ է վերաբերվում «Եվրատեսիլ» երգի մրցույթին: Երաժշտի պատասխանը բացասական է՝ երաժշտության արժեքը հնարավոր չէ որոշել ոչ միայն ձայների մեծամասնությամբ, այլ նույնիսկ ժյուրիի գնահատականներով. ժյուրիում մարդիկ են, որոնց ընկալումը սուբյեկտիվ է: Մյուս կողմից՝ «Եվրատեսիլը» գրեթե միակ հարթակն է, որտեղ կարող է ներկայացվել մեր երկիրը որոշակի երաժշտական ժանրերում: Դժվար է, ապրելով Հայաստանում, մասնակից լինել միջազգային «ռոք-համայնքին»:
Հաղորդման հյուրի համար մեծ նշանակություն ունի, որ «SOAD» խմբի անդամները հայեր են: Իսկ ընդհանրապես, նրա տեսանկյունից, ռոքն ազգություն ունի: Այն երաժշտությունը, որը ստեղծվել է Հայաստանում, կապված է հայկական իրականության հետ և, անշուշտ, հայկական է:
Մանրամասները՝ տեսանյութում:
Արամ Աբրահամյան
