13.01.2026 | 11:07
Ռուսական զորքերը հարվածել են Օդեսային և Խարկովին. կան զոհեր ու վիրավորներ
Ատոմակայանի նոր միջուկային էներգաբլոկի մոդելը կհստակեցվի ուսումնասիրության արդյունքներով. Խուդաթյան. ՏԵՍԱՆՅՈՒԹ
Տնտեսություն
09.06.2025 | 13:26
Հայաստանում նոր միջուկային էներգաբլոկի կառուցման նպատակով իրականացվող ուսումնասիրությունների արդյունքում կհստակեցվի դրա մոդելը՝ հաշվի առնելով Հայաստանի էներգահամակարգի առանձնահատկությունները: Այս մասին ՀՀ ԱԺ մշտական հանձնաժողովների համատեղ նիստում 2024 թվականի պետական բյուջեի կատարման մասին տարեկան հաշվետվության նախնական քննարկման ժամանակ տեղեկացրեց տարածքային կառավարման և ենթակառուցվածքների նախարար Դավիթ Խուդաթյանը։
Նրա խոսքով՝ Հայաստանում նոր միջուկային էներգաբլոկ կառուցելու նպատակով շարունակվում են աշխարհում գործող միջուկային տեխնոլոգիաների, այդ թվում՝ մոդուլային ռեակտորների ուսումնասիրությունները։ Դավիթ Խուդաթյանը հիշեցրեց, որ հենց այդ նպատակով էլ կառավարությունն անցած տարի հիմնել է «Ատոմային նոր էներգաբլոկի կառուցում» փակ բաժնետիրական ընկերությունը, որն այս պահին գտնվում է կադրային համալրման փուլում»,-նշեց նախարարը։
Ավելի վաղ Factor.am-ի գրավոր հարցին ի պատասխան ՏԿԵ-ին հայտնել էին, որ Հայաստանը ատոմակայան կառուցելու համար քննարկում է ոչ միայն Ռուսաստանի և Միացյալ Նահանգների առաջարկները, այլ նաև քննարկումներ է իրականացնում Կորեայի և Չինաստանի հետ։
Անցած տարվա օգոստոսի 1-ին ՏԿԵՆ-ից նաև նշել էին, որ ամերիկյան ընկերությունը Հայաստանում տեխնիկատնտեսական հետազոտություն է իրականացնում փոքր մոդուլային ատոմակայանի կառուցման նպատակահարմարության վերաբերյալ։ Իսկ մեկ տարի առաջ կառավարության նիստի ժամանակ վարչապետ Նիկոլ Փաշինյանն առաջին անգամ խոսել էր այն մասին, որ կառավարությունը քննարկում է մոդուլային ատոմակայան ունենալու հարցը։
Մանրամասները՝ տեսանյութում։
Մանյա Պողոսյան
