24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Ինչու ԶՊՄԿ-ն 2025-ի եռամսյակում չի հայտնվել 1000 խոշոր հարկ վճարողների ցանկում․ ՊԵԿ նախագահի պարզաբանումը. ՏԵՍԱՆՅՈՒԹ
Քաղաքականություն
09.06.2025 | 12:04
«2024-ի արդյունքներով Զանգեզուրի պղնձամոլիբդենային կոմբինատն ունեցել է իրացումների նվազում 2023-ի համեմատ: Այդ պատճառով 2025-ի վճարման ենթակա ռոյալթին նվազել է: Բացի այդ, քանի որ 2024-ին վճարվել էր ավելի մեծ կանխավճար, դրա մի մասն առաջին եռամսյակում վերադարձվել է: Եթե չեմ սխալվում մոտ 21-22 մլրդ դրամի մասին է խոսքը, սա մեկանգամյա գործարքի արդյունքում կատարված վերադարձ է: Այդ 21-22 մլրդի պատճառով կոմբինատը միանգամից դուրս է եկել 1000 խոշոր հարկ վճարողների ցանկից»,- ԱԺ համատեղ հանձնաժողովների նիստում նախորդ տարվա պետական բյուջեի կատարողականի նախնական քննարկումների ժամանակ այսպես պարզաբանեց ՊԵԿ նախագահ Էդուարդ Հակոբյանը՝ պատասխանելով «Հայաստան» խմբակցության պատգամավոր Արթուր Խաչատրյանի հարցին, թե ինչու այս տարվա առաջին եռամսյակում Զանգեզուրի պղնձամոլիբդենային կոմբինատը չի ընդգրկվել 1000 խոշոր հարկատուների ցանկում:
Ըստ պաշտոնյայի՝ սա բացառիկ դեպք է, որ կոմբինատը ընդգրկված չէ խոշոր հարկատուների ցուցակում։
ՊԵԿ նախագահի պնդմամբ, սակայն, դա դեռ չի նշանակում, թե հաջորդ եռամսյակում կոմբինատը չի հայտնվելու 1000 խոշոր հարկատուների ցանկում:
Մանրամասները՝ տեսանյութում։
Մանյա Պողոսյան
